1 Timothee 1:3 - Nouveau Testament en Gulay 2004

³ Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

1 Timothee 1:3 ပူးပေါင်းရင်းမြစ်များ

Nyanra Njekawkulege 18:19

Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 18:21

E ube de inye de, ede de ede nè: – Ke nè á Nube ndige ɓaa, m’a tel ree ra si’t ɓai. Paul al kêm bato’t aw kêm ɓee-bò ke Ephèse.

Nje Ke Rome 15:26

Njétaakêm-Kristge ke kêm ɓeekonge ke Macédoine se Achaie in-in se kêm de rai nyan-noje le ra’n se njétaakêm-Kristge ke Jérusalem ke ndoo oso dè de’t.

Nje Ke Rome 16:17

Ngakonmge, dooge ke utei nyan-ndó ke sei ndói mbeng kɔke nga, m’ra ndoo ra si’t le kade an-in de maje. Utei ra si mbeng ra de’t kɔke tede dé nga dé njé tɔse dè dooge nan’t a, dé njé kade dooge tosoi dann kaiya’t a tɔ.

2 Nje Ke Corinthe 11:4

Sei ilei kêm si pon dè doo ke ree ile mber ɔje dè Jésu karé ke rang se è ke ndɔ ke j’ile mber tà le’n j’ade sei lé nga. Sei taai ndil karé ke rang se è ke ndɔ ke ingei kété se ranel. Sei ilei kêm si pon dè doo ke ree ile mber Tà ke Maje ke tò gai se è ke ndɔ ke i taai ɓá nga.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Philippes 2:24

Man géa, m’unde kem̂’m tchên ke dè Kuwe-ɓee’t titeke nain ngɔr à ade man kuwe m’a m’aw se ra’m le k’an sei.

1 Timothee 4:11

E ke nè á è nyange ke kade i ndó de a, unn ndui ade dé ra a tɔ.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 5:7

Ede de tà dè nyange’t nè nga ndàt-ndàt tede kade doo karé bè ile’n tà dè de’t lé.

1 Timothee 6:10

Mwei-yo-nar è ngire nyange ke majelé malang. Njé ke nange ke an-in ngɔde go nar’t nga ndemi osoi kɔke heb dè kundekem̂’t le de, uwei nyantosowurge gai-gai ɓuki dè de ei’t kuwe adi wur de ndir’n njàk-njàk.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

2 Jean 1:7

Njé tam tà lanm sú’n dooge kade ndemi bule ngain undei loo teei ɗarinè ɓá ta. Njé lanmge nè nga mbati tami ndàt titeke Jésu-Krist ree dè nang nè se danra’n. Doo ke tam ndàt ede nè Jésu-Krist ree se danra’n dè nang nè lé nga, è njè tà lanm a, è njè kɔse tà se Krist a tɔ.

Lookilera’n 2:14

Nè i ngonm dooge ke nange ke njé liger lagr-lagr dè nyan-ndó’t le Balaam nga sár ɓila ɓai. Balaam nga kété ndó Balak kade tel è jig non ngann Israelge’t. E ndó de kuse dan ke dé tɔl d’ade magege a, le kade tooi se nan ke kaiya’t a tɔ. E ke nè á è nyan ke ade m’aw’n sei se tà ndêin.

Lookilera’n 2:20

Nè i inye Jézabel, dinye ke ra ra’n ke njèribe-dè-tà ke tà Nube’t nga rai’t ɓai. Dinye nè nga ade ɓer kulege le’m ndemi rebe tede è ndó de tò se nan ke kaiya’t a, ade usei dan ke polé’n magege a tɔ. E ke nè á è nyan karé ke ade m’aw’n sei se tà.