1 Timothee 1:17 - Nouveau Testament en Gulay 2004

¹⁷ Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 1:17 ပူးပေါင်းရင်းမြစ်များ

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Jean 1:18

Doo karé bè géa an Nube se kum’n ndan lé ɓai. Nè Ngonn kêm’n ke dagi á ɔr gir’n ke nata ade jè geri.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Nje Ke Rome 1:20

Tɔgmong ke dum dè loo le Nube se danra Nube nga, ei nyange ke doo ase kan ndan lé. Nè unn gir kété mari loo kunde gir nyange ke dè nang nè nga, tɔgmong le’n se danra’n ke doo ase kan lé nga, tooi nata ndái-ndái ade dooge an-in nin se go nyankundege le’n. Bè ɓaa, loo kede gos le dooge goto ɗarinè ta.

Nje Ke Rome 1:23

Nube ke njèndi se non nga d’ile riɓar dènn’t lé, nè dé ɗɔi nyange ke dé ra de d’ade ei kum gute tà doo ke njè kwei tá. Taɓai dé ɗɔi nyange ke dé ra de d’ade ei kum gute tà helge, kum gute tà dange ke nja de è sɔ-sɔ a, kum gute tà nyange ke agi nang se tà kêm de a tɔ.

Nje Ke Rome 11:36

Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.

Nje Ke Rome 16:27

Nube ke Njèkumkunju karé bere nga, maje kade riɓar è le’n sár se non takul Jésu-Krist! Maje kade è titeke bè kuwe.

Nje Ke Rome 2:10

Nè dooge malang ke rai nyange ke maje nga, Nube à ade de ndubra a, riɓar a, kêmlom a tɔ. Nube à ade nyange nè nga Juipge kété pa ɓita à ade njé ke ei Juipge lé ɓai.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Colosses 1:15

Krist Ngonn le Nube nga, è kum gute tà bɔ’n Nube ke doo asekum kan’n se kum’n lé. E ndi se Nube kété mari desêin sàk-sàk ɓita Nube unde nyange malang ɓai.

Hebreuge 11:27

Moise unde kem̂’n dè Nube’t á ndɔ ke è inye’n ɓeekon ke Egypte nal ɓel wong ke ayé ra ngar dènn’t. E nda dè njann’t njáng titeke an Nube ke dookunde le’n ase kan’n se kum’n lé nga ɓá bè.

Hebreuge 2:7

Oiyo, i ra doo ade tɔgmong le’n nain gugu ndêin go le dooge ke danrán’t ade kur’n aw mbɔr. I ade ndubra se riɓar taai ra doo ndul nga pel-pel.

1 Pierre 5:11

Maje kade tɔgmong è le’n kuwe sár se non. Maje kade è titeke bè kuwe.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

1 Jean 4:12

Doo karé bè géa an Nube se kum’n ndan lé ɓai. Nè ke nè á jè tári nan ɓaa, Nube um jèi nan’t bɔk a, tár ke è tár jéi nga maje ɔr njêt.

Jude 1:25

Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.

Lookilera’n 15:3

Ei ɔsi pa le Moise ɓer kule le Nube a, le Ngonn bate a tɔ, edi nè: «Kuwe-ɓee Nube ke njètɔgmong, nyange malang ke i ra nga ei nyange ke bò-bò ke dum kum! Ngar le girkoje dooge malang, rebe nyange lei ke ɔje nga ei se dè naje’n a, se go rebe’n kuwe a tɔ.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»

Lookilera’n 19:1

Go nyange’t nè nga, m’oo ndu doo ɓar danrán beng tite ndu kosdoo-bulege bè ede nè: «Alléluia! i piti Kuwe-ɓee le jéi, tede kaje a, se ndubra a, se tɔgmong a tɔ ei le’n è kuwe.

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»

Lookilera’n 19:6

M’oo ndu koosdoo-bulege ɓar asenan se ká mann ba-bòge a, ɓar tite ndi ke ndang se tɔg’n bè a tɔ, ede nè: «I piti Kuwe-ɓee! I piti Kuwe-ɓee Nube le jéi ke njè tɔgmong nga tede taa konɓee jinn’t ɗarinè ɓá ta!

Lookilera’n 7:12

«Kerɔte kuwe, maje kade ɗɔi se ndubra, se kumkunju, se ra oiyo, riɓar se tɔgmong se dèmong ei le Nube le jéi kuwe sár se non. Maje kade è titeke bè kuwe.»