1 Timothee 1:15 - Nouveau Testament en Gulay 2004

¹⁵ Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

1 Timothee 1:15 ပူးပေါင်းရင်းမြစ်များ

Matthieu 1:21

Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Matthieu 18:10

An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 18:11

Man ke m’ee Ngonn doo nga, m’ ree le tel se njé ke kété ndemi osoi kɔke ke ra Nube’t.

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 9:13

Kêmkanm á m’ndige m m’aw ndoo nyankuje-mese lé. Awi, i giri tà dè tà’t nè nga an-in. Oiyo, man m’ree le ɓar njé ke an-in ra de ke njé ra nyan se dè najennge lé, nè le ɓar njé ke an-in ra de ke njé ra majelége.

Marc 2:17

Loo ke Jésu oo tà ke dé tam nga bè ɓaa, è ede de ede nè: – Njé ke ra de mong maj-maj nga, awi ndoo njèkuge kaje ra de’t lé. Nè è njératurge á awi ndoo’n. M’ree dè nang nè le ɓar njé ke an-in ra de ke njé ra nyan se dè najennge lé. Nè m’ree le ɓar njé ke d’an de ke njé ra nyan majelége.

Tà ke Maje ke Luc ndang 15:2

Pharisienge se njékɔrgir gute-nduge murin tà kêm de’t edi nè: – An-in! doo nè nga uwe njékaiyage ke rann’t a, use se de nyan nan’t a tɔ.

Tà ke Maje ke Luc ndang 19:10

Man ke m’ee Ngonn doo nga, m’ree le sang njé ke ndemi osoi kɔke le tel se de ke ra Nube’t.

Tà ke Maje ke Luc ndang 5:32

Nube ule’m kade m’ɓar njé ke d’an de ke njéra nyan danné sêwge á bè lé, nè è ule’m le kade m’ɓar njé ke d’an de ke njé ra majelége tede le kade turi hal de.

Jean 1:12

Nè dooge malang ke uwei nin ke ra de’t undei kêm de dènn’t ɓaa, ade de tɔgmong le kade teli ei ngann le Nube.

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 12:47

Ke nè á doo karé oo tàge le’m á an go sêw-sêw lé ɓaa, è man á m’a m’gangtà dènn’t lé. Man ɓaa, m’ree tede gangtà dè dooge ke dè nang nè lé, nè tede kaje de.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Nyanra Njekawkulege 11:1

Njékawkulege se njétaakêm-Kristge ke ndii kêm ɓeekon ke Judée ooi titeke njé ke ei Juipge lé géa taai tà le Nube ke le de tɔ ta.

Nyanra Njekawkulege 11:18

Loo ke Juipge ke njétaakêm-Kristge ooi tàge nè nga bè ɓaa, ebi’t kɔl se Pierre ta. Nè ei ulei ndubra dè Nube’t edi nè: – Nube ade dooge ke ei Juipge lé géa turi hal de le ndii kumgajer tɔ ta.

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

Nje Ke Rome 5:6

Oiyo, loo ke ndɔ ke tɔg jéi ase tee ji ɓer’t le kaiya lé ɓai nga, Krist wei tede njékute Nube mbeng-ge dann kurloo ke è Nube kuwe ɔje.

1 Nje Ke Corinthe 15:9

Man nga m’ee tà-mba le njékawkulege. M’tuwe kade dé ɓar’m njèkawkule lé tede m’ra kum njékebe nange le Nube ndoo ngain gée.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.

1 Timothee 1:19

se kundekem̂ a, se tàgir ke maje ke kem̂i’t a tɔ. Njé ke nange ndɔ ke surei go tàgir ke maje ke kem̂ de’t inyei adi kundekem̂ le de nduii’n mann.

1 Timothee 3:1

Tà nè nga è tà kerɔte kuwe: ke nè á doo karé sang le k’ee njèkan dè njékebe nange le Nube ɓaa, è aw ndoo ngar kule.

1 Timothee 4:9

Tà nè nga è tà kerɔte ke le kade nanan géa taa um kem̂’n dè’t bɔk-bɔk.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

2 Timothee 2:11

Tà nè nga è tà kerɔte kuwe: «Ke nè á j’weii se Jésu-Krist nan’t ɓaa, j’à teli ndii kumgajer se’n nan’t tɔ.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

1 Jean 5:11

Nube ade jèi ndikumgajer se non. Ndikumgajer se non nè nga, è ade jèi takul kum ke j’umi nan’t bɔk se Ngonn’n. E ke nè á è tà ke Nube tam ɔje’n dè Ngonn’n nga.

Lookilera’n 21:5

E ke ndi kɔte kutu-ngar’t nga tam ndàt ede nè: «An! nyange malang nga, m’tel m’ra de gugu kige.» Taɓai, è ede’m ede nè: «I ndang tàge nè nga tede ei ngarankum tàge ke get ke le taa kum kem̂ dè’t kuwe.»

Lookilera’n 22:6

Doo ke danrán ede’m ede nè: «Tàge nè nga ei ngarankum tàge ke get ke le taa kum kem̂ de’t kuwe. Kuwe-ɓee Nube ade Ndil-kem̂nda ule tà tà njéribe-dè-tàge le’n. E ule doo le’n ke danrán le kade tɔje ɓer kulege le’n titeke ngɔr ɓaa, nyange nè nga gar-gar à teei kuwe.»

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.