1 Timothee 1:14 - Nouveau Testament en Gulay 2004

¹⁴ Oiyo, Kuwe-ɓee le jéi ra se’m kem̂-maje ke bò: è ade m’unde kem̂ dènn’t tede tár ke Jésu-Krist tár’m ade m’um se’n nan’t bɔk a tɔ.

1 Timothee 1:14 ပူးပေါင်းရင်းမြစ်များ

Matthieu 20:9

Njékulege ke reei se kàde mi ke loo sɔlé nga, nanan géa taa sile karé-karé.

Nyanra Njekawkulege 15:11

Jè geri titeke j’ingei kaje takul kêmnoje le Kuwe-ɓee Jésu tite de bè tɔ.

Nje Ke Rome 16:20

Nube ke kêmlom in rann’t à ade sei tɔgmong le kade i dumi dè njèban le si ngɔr ta. Maje kade kêmnoje le Kuwe-ɓee le jéi Jésu nain se si!

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 3:10

Man m’tò m’asenan se kɔde kunde gir kei ke unde gir kei kété ɓita doo ke rang unde kei dè’t ɓai. Gir kei ke m’unde nga, è se go noje ke Nube uwe se’m. Nè maje kade nanan géa unde kumkunju dè rann’t ɔje dè gos kunde kei dè gir kei’t nè nga.

2 Nje Ke Corinthe 4:15

Nyange malang ke ra jè nga, è tede le si. Titeke bè á nyan-noje le Nube à in’n dè made’t ke kété-kété tede kade dooge bule teli rai Nube oiyo a, ulei ndubra dènn’t a tɔ.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Nje Ke Galatie 1:13

Sei ooi ser nyanra’m se pa njiye’m kété ke m’nain’n dann girkàge’t le Juipge ɓai nga mbak. Njékebe nange le Nube nga ndɔ ke m’ɔr de kororoi m’ade al dè loo’n a, m’sanrin de sakte-sakte a tɔ.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Nje Ke Thessalonique 5:8

Nè jéi ke jéi ngann dann kàdege nga adi jè ndii kum jéi karè. Adi j’unni kundekem̂ se tár nan ke nyan rɔ le jéi. Adi j’unni kundekem̂ tchên dè kaje’t tite jɔkɔ le jéi a tɔ.

1 Timothee 2:15

Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

2 Timothee 1:13

Ngarankum tàge ke oo tàm’t se mbii ɓá nga, an de ke nyan-tɔje; i nda njáng dè kundekem̂’t se dè tár nan ke j’ingei takul kum ke j’umi nan’t bɔk se Jésu-Krist.

2 Timothee 2:22

Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

Tite 2:2

Ede bɔ-dingemge le kade yibe ule mbe dè de’t lé. Nè maje kade ei dooge ke njé ke rang asikum kilei koje dè de’t a, à ei njé kunde kumkunju dè ra de’t a tɔ. Maje kade kundekem̂ le de è ke maje unju nyang-nyang a, maje kade ei njé tár dooge a, njé korè tà de njakge a tɔ.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Jean 4:10

E jèi á j’in-in se kem̂ jéi jè tári Nube kété lé, nè è Nube kuwe á tár jèi kété. Gir’n ke nè á è ule’n Ngonn’n ke nyankɔr kure majelége le jéi.

Lookilera’n 22:21

Maje kade kem̂noje le Kuwe-ɓee Jésu nain se si malang.