1 Timothee 1:12 - Nouveau Testament en Gulay 2004

¹² Kuwe-ɓee le jéi Jésu-Krist ke ade’m tɔg’m nga, m’ra’n oiyo. M’ra’n oiyo tede è an’m ke doo ke ase kade um kem̂’n dèm’t á unde’m dè kule’t le’n.

1 Timothee 1:12 ပူးပေါင်းရင်းမြစ်များ

Matthieu 20:4

E ede de ede nè: «Sei géa, ɔti awi kêm ndɔr nduu’t le’m ɓaa, m’a m’uge sei se go rebe’n.»Dooge nè ɔti awi kuwe tɔ.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Nyanra Njekawkulege 16:15

Loo ke d’ule Lydie manné njonm se njékêmkeige le’n ɓá ɓaa, è ɓar jè ede nè: – Ke nè á an-in man ke njètaakêm-Krist kerɔte ɓaa, i reei awi se’m ɓéee i ndii se’m ndêin ɓita. E aw se jé kabr-kabr ade j’aw se’n kêm kei le’n.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nyanra Njekawkulege 9:22

Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 3:5

A ɓaa, ké Apollos nga è nan wa? Ké Paul nga è nan wa? Jè joo mbak jè ngann njékulege le Nube le ra se si le kade undei kêm si dènn’t. Nanan géa dann jé’t ra kule ke ɔje dè’n ke Kuwe-ɓee um jinn’t.

1 Nje Ke Corinthe 7:25

Oiyo, suwege ke dingem éké ke dinyege ke nali geri dinye éké dingem ɓai nga, m’inge ndukunn ke in ra Kuwe-ɓee’t ɔje dè de lé. Nè è tàgir le’m á m’unde non si’t kade umi kêm si dè’t, tede man doo ke Nube ra se’m kêmkanm.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

Nje Ke Galatie 3:26

Ɗarinè sei Juipge se njé ke ei Juipge lé ke undei kem̂ si dè Jésu-Krist’t nga, sei malang sei ngann le Nube.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 1:25

M’tel m’ee ngonn njèkule le njékebe nange le Nube nè nga se go kule ke Nube um jim’t tede le si: Kɔr son kile mber tà le Nube nga è kule ke deri ke Nube um jim’t.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

1 Timothee 1:11

Nyan-ndó ke maje nga uwe made nan se Tà ke Maje le Nube ke njè ndubra se njè gir ranel a tɔ. Oiyo, Nube ke njè tɔgmong um kule mber Tà ke Maje nè nga jim’t kuwe.

1 Timothee 1:2

M’ndang magtub nè m’ade Timothée ngonn kem̂’m gir kundekem̂’t. Maje kade kem̂-maje se kem̂kanm se kem̂lom ke in ra Bɔ jéi Nube’t se ra Kuwe-ɓee le jéi Jésu-Krist nain se si.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Tite 1:4

I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.

Philemon 1:9

Nè m’ra ndoo rai’t tede k’ee ke i kotár le’m. Man Paul ke m’ee ngatɔg doo nga, m’tò dangai’t ɗarinè tede tà le Jésu-Krist.