1 Timothee 1:10 - Nouveau Testament en Gulay 2004

¹⁰ Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

1 Timothee 1:10 ပူးပေါင်းရင်းမြစ်များ

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Rome 1:26

Gir’n ke nè á Nube inye’n de dann ngur nyan rasɔlge ke uri sire kêm de’t. Neen dege teli turi ra de dè nan’t tooi se nan.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

2 Timothee 1:13

Ngarankum tàge ke oo tàm’t se mbii ɓá nga, an de ke nyan-tɔje; i nda njáng dè kundekem̂’t se dè tár nan ke j’ingei takul kum ke j’umi nan’t bɔk se Jésu-Krist.

2 Timothee 4:3

Timothée, oo maje, ndɔ ke dooge à taai ngarankum tà ke maje lé à ree non. Se go ngur nyange ke kem̂ de dé’t kuwe, d’ade kebe njéndó de nyange ke dè de’t-dè de’t le kade ndói de nyange ke mbi de ndon de sɔk-sɔk le koo.

Tite 1:13

Tà ke njèribe-dè-tà le de tam nè nga è tà kerɔte kuwe. Gir’n ke nè á, in se de i ndáng de le kade d’unju dè kundekem̂’t le de.

Tite 1:9

Njèkan dè njé kebe nange le Nube nga, gar-gar à è doo ke njè nda njáng dè ngarankum tà ke uwe made nan se nyan-ndó ke maje ke ndɔ ke dé ndó’n. Titeke bè á è à kasekum kin’n se njé kɔse tà tànn’t mbeng-ge dè tà’t a tɔ.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 18:13

kàde kage ke ete ke ri’n nè Canelle, non-kage, wubuge ke dé ra se putu nyange ke ete sununu se yibe nduu a, wubu a, nduju koge a, se mangege a, se batege a, se sindege a, se wotro rɔge ke nja sɔ a, se ɓerge a, se dooge ke karè a tɔ.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.