1 Pierre 5:9 - Nouveau Testament en Gulay 2004

⁹ Ilei rɔ adi nin. I ndai dè kundekem̂’t le si njáng tede sei geri mbak titeke nyankem̂konge nè nga kété teei dè ngakon sige’t dè nang nè ɓá ta.

1 Pierre 5:9 ပူးပေါင်းရင်းမြစ်များ

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

1 Nje Ke Corinthe 10:13

Nyan ke nan sei nga, è gàr nyan ke nan doo-ndul madesige kuwe tɔ. Nube è njèkinye go kunn-nduge le’n lé. Ke nè á nyan nan sei ɓaa, Nube à inye sei kade nyan nan al dè tɔge si lé. Nube à ade sei gos korè tà njak kade undei loo i teei dann nyan nan’t nè nga.

Nje Ke Ephese 4:27

Inyei loo adi sú al ndi dè si’t lé.

Nje Ke Ephese 6:16

Adi kundekem̂ è der le si se ndɔge a, se looge malang tede kade undei tà ndon ningege le njè kem̂ majelé ke on por bilim-bilim nè nga soin i tɔli.

Nje Ke Colosses 2:5

Kerɔte kuwe, danra’m ndi ebe se si, nè se tàgir le’m ɓaa m’ee se si nan’t. M’ra ranel tede nyange ke dann si’t aw maje se gonan-gonan a, tede ba ke sei bai nja si nang dè kundekem̂ dè Krist’t a tɔ.

1 Nje Ke Thessalonique 3:3

Jè ra titeke bè le kade nyantosowurge ke rai jèi nè nga yei doo karé géa dann si’t lé. Sei kuwe i geri mbak titeke nyantosowurge nè nga è nyan ke Nube ɔje’n dè jéi.

1 Timothee 6:12

I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

2 Timothee 3:12

Kerɔte kuwe, dooge malang ke umi nan’t se Jésu-Krist, ke ndigi kilei koje dè Nube’t nga d’a d’ɔr de kororoi.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

Hebreuge 11:33

Dooge nè malang undei kem̂ de dè Nube’t á ndɔ ke têti rɔ ɓeekonge a, rai nyan ke se dè naje’n a, ingei nyange ke ndɔ ke Nube unn’n ndu’n ade de a, uwei tà toboige a tɔ.

Hebreuge 12:8

Ke nè á Nube tɔje sei kumkunju titeke tɔje’n ngannenge malang nga lé ɓaa, sei sei ke bɔ gotoge m sei ngann kem̂nge lé.

Jacques 4:7

Ulei dè si adi Nube. Ilei rɔ adi sú ɓaa, à an-in sei kaw heb.

1 Pierre 1:6

Nyantosowurge gai-gai nan-in sei ɗarinè mbɔr. Nè né è bè géa, i rai ranel ɔje dè kaje ke Nube uwe dè nja unde konn tede si nga.

1 Pierre 2:21

E è ke nè á è nyan ke dé ɓar sei tede kade i rai. Krist nga ndɔ ke inge kem̂kon tede tà le si. Nyankem̂kon ke ndɔ ke ra’n nga è inye ke nyan-tɔje le si tede kade sei kuwe géa unni dè nja’n têr-têr tɔ.

1 Pierre 3:14

Ke nè á ingei kem̂kon tede nyanra si ke se dè naje’n ɓaa, ali ra si. I ɓeli dooge lé a, adi kem̂ si olé bɔt-bɔt lé a tɔ.

1 Pierre 4:13

Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 6:11

Dooge karé-karé malang ke ndɔ ke dé tɔl de nga, d’ade de kubu ke nda ke bòi ɔr gide nja de nang ndêt-ndêt. Taɓai d’ede de kade taai kebe ndêin ɓai a, le kade kɔr njémade kulege le de se ngakon dege ke d’ade tɔl de ase deĵ ɓita.

Lookilera’n 7:14

M’tel m’ile ngatɔge nè nga dè’t m’ede nè: «Kuwe’m, i i ger de mbak.» Ngatɔge nè nga ede’m ede nè: «Dé nè nga d’in dann nyantosowur ke bò’t. Dé togo kubuge le de ke bòi yul se mese Ngonn bate d’ade nda káng-káng.