1 Pierre 5:8 - Nouveau Testament en Gulay 2004

⁸ I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

1 Pierre 5:8 ပူးပေါင်းရင်းမြစ်များ

Matthieu 13:39

Njèban ke njèdubu jer nga, è sú. Nan sa ko è ndɔ ke ngeinn’t. Njé sa koge nga ei dooge ke danrán.

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 4:1

Ndil ɔr non Jésu aw se’n kêm dile’t le kade njè sú dooge nan’n.

Matthieu 4:11

Sú ɔr ra’n ra Jésu’t kɔke ɔte aw. An! ke loon’t nè kuwe, dooge ke danran reei rann’t rai nyan adi nin.

Marc 4:15

Njar ko ke téei tosoi nang ka-rebe’t nga, ei dooge ke ooi Tà ke maje ɓaa ke loon’t nè kuwe Sú ree ɔr Tà ke Maje ke dé dubu dè ɓengre de’t nga wont kɔke.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Tà ke Maje ke Luc ndang 22:31

Go’t gugu Jésu ɓar Pierre ede’n ede nè: – Simon, Simon, an! Nube inye loo ade Njè sú dooge le kade yei sei titeke dé yeii’n ko le kɔr’n yinge-dè’n gai bè.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

2 Nje Ke Corinthe 2:11

M’ra titeke bè tede kade njèban le jéi Sú inge’n loo libe’n kum jéi lé. Kerɔte kuwe, Sú nga jè geri tàgirge le’n mbak.

Nje Ke Ephese 4:27

Inyei loo adi sú al ndi dè si’t lé.

Nje Ke Ephese 6:11

Otoi nyankatege le Nube bere mbak uwei ji si’t tede kade asikum dumi dè gosge le sú, njè kem̂ majelé.

1 Timothee 2:15

Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.

1 Timothee 2:9

Dinyege géa, m’ndige le kade ulei kubu ke karè ke tuwe de ɗêw se kumkunju’n. Maje kade ebi ra de kuwe dè de se nyange ke mbirin-mbin éké dè tule mede-mbi ke dé ra se nar-ɔr mbi de’t. Maje kade ebi ra de dè tule kubuge ke nar de ur kugu-kugu a tɔ.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

1 Timothee 3:2

Doo nè nga, gar-gar à è njègel goto, njè dinye karé luk-luk, njè kain yibe kade ule mbe dènn’t lé, à è njè kunde kumkunju dè rann’t, à è njè kan go ra’n sêw-sêw, à è njè ra mba, a è doo ke ase ndó nyan njé ke rang a tɔ.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Tite 1:8

Nè gar-gar à è njè ra mba a, njè ndige nyan ke maje a, à ndi kum’n karè a, à è njè ra nyan se dè naje’n a, à è doo ke tò se ninn’n a, à è njè kunde kumkunju dè rann’t a tɔ.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Tite 2:2

Ede bɔ-dingemge le kade yibe ule mbe dè de’t lé. Nè maje kade ei dooge ke njé ke rang asikum kilei koje dè de’t a, à ei njé kunde kumkunju dè ra de’t a tɔ. Maje kade kundekem̂ le de è ke maje unju nyang-nyang a, maje kade ei njé tár dooge a, njé korè tà de njakge a tɔ.

Tite 2:4

Titeke bè á à ndói dinyege ke nain-in mande loo tár ngaw dege se ngann dege.

Tite 2:6

I ndeje basage le kade undei kumkunju dè ra de’t ɔje dè nyan malang.

Jacques 4:7

Ulei dè si adi Nube. Ilei rɔ adi sú ɓaa, à an-in sei kaw heb.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

Lookilera’n 12:10

Go’t gugu ɓai, m’oo ndu doo ɓar danrán beng ede nè: «Kaje se tɔgmong a, se konɓee le Nube le jéi nga, ɗarinè reei ɓá ta. Ɗarinè, tɔgmong è ji Krist’t le Nube nga ta. Njè kile tà dè ngakon jéige’t non Nube’t ndɔɔ a, kada a nga, dé sure’n mbeng d’ile’n nata dè nang nè.

Lookilera’n 12:12

Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.