1 Pierre 5:5 - Nouveau Testament en Gulay 2004

⁵ Sei basage géa, maje kade ulei dè si adi ngatɔgege. Maje kade sei malang i rai ra si ke ngann njékulege le nan tede Nube ute njé ti rage mbeng, nè è uwe noje se njé kule dè dege.

1 Pierre 5:5 ပူးပေါင်းရင်းမြစ်များ

Tà ke Maje ke Luc ndang 22:26

Maje kade sei i rai titeke bè dann si’t lé. Nè è ke è doo ke bò dum dè madennge nga, maje kade tel ra’n ke ngonn gir si. E ke è njékɔr non madennge nga, maje kade tel ra’n ke ngonn njèndi le si a tɔ.

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

Nje Ke Ephese 5:21

Ulei dè si adi nan tede ɓel ke i ɓeli Ndil Krist nga.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

1 Timothee 5:1

In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

Jacques 4:6

E uwe se jéi noje ke bò. Gir’n ke nè á Magtub ke tò se ninn’n tam’n ede nè: «Nube ute njé ti ra dege mbeng, nè è uwe noje se njé kule dè dege.»

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

1 Pierre 4:1

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.

1 Pierre 4:5

Nè d’a d’ɔr gir nyanra de le kade Nube ke ndi dè njann’t tchên le gangtà dè njé ke ndii kumgajer se njé ke weii.