1 Pierre 5:3 - Nouveau Testament en Gulay 2004

³ Njé ke Nube kai de um de ji si’t nga, on-in de njanm-njanm tite ngarge bè lé; nè maje kade i teli sei nyan-tɔjege le bate kosge.

1 Pierre 5:3 ပူးပေါင်းရင်းမြစ်များ

Jean 13:15

E nyan-tɔje á m’tɔje sei tede kade sei géa i rai titeke man m’ra’n se si bè tɔ.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

1 Nje Ke Corinthe 11:11

Nè né è bè géa, non Kuwe-ɓee’t ɓaa, dinye à ndi se dè’n anje dingem lé a, dingem géa à ndi se dè’n anje dinye lé a tɔ.

1 Nje Ke Corinthe 3:5

A ɓaa, ké Apollos nga è nan wa? Ké Paul nga è nan wa? Jè joo mbak jè ngann njékulege le Nube le ra se si le kade undei kêm si dènn’t. Nanan géa dann jé’t ra kule ke ɔje dè’n ke Kuwe-ɓee um jinn’t.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Nje Ke Philippes 3:17

Ngakonmge, sei malang i ndaji kum’m. Oréi kum si dè njé ke njiyei se go nyan ke ndɔ ke jè tɔje sei nga.

Nje Ke Philippes 4:9

Nyan ke ndɔ ke m’ndó sei, nyan ke ndɔ ke ingei ram’t a, se nyan ke ndɔ ke ooi tà’n tàm’t éké nyan ke ndɔ ke an-in ram’t nga, i rai de se ndɔge malang. Nube ke njè kade dooge kem̂lom à nain se si.

1 Nje Ke Thessalonique 1:7

Titeke bè á sei teli sei nyan-ndaje kum le njétaakem̂-Kristge malang ke kem̂ ɓeekonge ke Macédoine se Achaie.

2 Nje Ke Thessalonique 3:9

Kerɔte kuwe, j’asekum kinge nyankul ra jé ji si’t gar-gar. Nè j’inye ra jé j’ade le kade è nyan ndaje kum le si.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.