1 Pierre 5:14 - Nouveau Testament en Gulay 2004

¹⁴ Uwei nan kàde si’t sem̂, i rai nan lapya. I tári nan. Sei malang ke umi nan’t bɔk se Krist nga, maje kade kem̂lom nain se si.

1 Pierre 5:14 ပူးပေါင်းရင်းမြစ်များ

Matthieu 5:47

Ke nè á i rai lapya ngakon sige kuwe se kar de bere ɓaa, ké è nyan ke deri á sei rai wa? Dooge ke geri Nube lé géa rai titeke bè tɔ lé wa?

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Jean 20:19

Loo sɔlé kêm ndɔ ke njè kutu go ndɔ taa kebe, loo ke ndɔ il ɓá ɓaa, njékuwe-gir-Jésuge kebi nan kêm kei uti tà rebe dè de’t kák-kák tede ɓeli Juipge. Jésu tee hɔi, nda dann de’t ede de ede nè: – Maje kade kêmlom nain se si.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

Nje Ke Rome 16:16

Uwei nan kàde nan’t sêm i rai nan lapya tite ngakon nange ke njétaakêm-Kristge bè se kêmnda káng. Njékebe nange le Krist malang rai sei lapya tɔ.

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 16:20

Njétaakêm-Kristge malang ke Asie rai sei lapya. I rai nan lapya, uwei nan kàde si’t sêm se kêmnda káng.

2 Nje Ke Corinthe 13:12

Uwei nan kàde si’t sêm, i rai nan lapya se kêmnda káng. Njétaakêm-Kristge malang rai sei lapya tɔ.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

Nje Ke Ephese 6:23

Maje kade Bɔ jéi Nube se Kuwe-ɓee Jésu-Krist adi sei ngakon jége malang kem̂lom. Maje kade rai se si adi tár nan se kundekem̂ le si in-in’n dè made’t ke kété-kété.

1 Nje Ke Thessalonique 5:26

Uwei ngakon jége malang kàde si’t sem̂ i rai de lapya adi jè.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

3 Jean 1:14

M’unde kem̂’m tchên le kaw kan-in ngɔr kade j’ɔje’n nan tà se tà jé njan-njan.