1 Pierre 5:12 - Nouveau Testament en Gulay 2004

¹² Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

1 Pierre 5:12 ပူးပေါင်းရင်းမြစ်များ

Jean 21:21

Loo ke Pierre tête kum’n an’n ɓaa, deje ede nè: – Kuwe-ɓee, à n’ee ke nè, ké ri á à tee dèyé’t wa?

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 15:22

Njékawkulege se ngatɔgege a, se njékebe nange le Nube bere mbak ɔji njáng le kɔr dooge joo dann de’t le kule de kade awi se Paul se Barnabas kêm ɓee-bò ke Antioche, ɓeekon ke Syrie. Dooge ke d’ade awi nan’t se Paul se Barnabas nga è Jude ke dé ɓar’n Barsabbas a, Silas a tɔ. Jude se Silas nga ei ngawtà njétaakêm-Kristge ke ndii kêm ɓee-bò ke Jérusalem.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

1 Nje Ke Corinthe 15:1

Ngakonmge, man m’olé kêm si dè Tà ke Maje ke ndɔ ke m’ile m’ber’n m’ade sei nga, sei taai se kêm si ɓá. Ɗarinè sei i bai nja si nang tutu maje.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

Nje Ke Ephese 3:3

Nube ribe dè nyan ke tò loo ɓɔyɔn’t ade m’ger titeke m’ndang’n tà’n ndêin m’ade ooi ɗarinè.

Nje Ke Ephese 6:21

Sei géa, ngokon’m Tychique ke è kotár le’m à ede sei tàge malang ke ɔje dè’m kade ooi. E nga è ke maje kule le Kuwe-ɓee Jésu-Krist.

Nje Ke Colosses 1:7

Epaphras ɓer kule le Jésu-Krist made jé ke jè tár’n ngain ndó sei Tà ke Maje nè nga kété ɓá. E ngonn njèkule le Krist ke get tede tà le si.

Nje Ke Colosses 4:7

Nyan malang ke ɔje dè’m nga, ngokon’m Tychique ke è kótar le’m à ɔrgir maje kade ooi. Tychique nga è ngarankum njè gete’m a, è njèmade kule le’m gir Kuwe-ɓee’t a tɔ.

Nje Ke Colosses 4:9

M’ule njèkem̂nda Onésime m’ade aw se Tychique nga nan’t. Onésime è ngokom’m ke m’tár’n ngain. E doo ke ɓee le si nú. Dé joo mbak kuwe d’a d’ɔrgir nyange malang ke ɔje dè jé loo ke nè’t kade ooi.

1 Nje Ke Thessalonique 1:1

Man Paul se Silas se Timothée jè ndang magtub nè j’ade njékebe nange le Bɔ jéi Nube a, se le Kuwe-ɓee le jéi Jésu-Krist ke ndii kem̂ ɓee-bò ke Thessalonique. Maje kade kem̂-maje se kem̂lom nain se si.

2 Nje Ke Thessalonique 1:1

Man Paul se Silas se Timothée, jè ndang magtub nè j’ule’n j’ade njékebe nange le Nube Bɔ jéi se le Kuwe-ɓee le jéi Jésu-Krist ke ndii kem̂ ɓee-bò ke Thessalonique.

Hebreuge 13:22

Ngakonmge, m’deje sei kade i taai tà ndejege nè nga se kem̂nda káng, tede tàge ke m’ndang kem̂ magtub’t m’ule’n m’ade sei nga, ase loon’t bè karè.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

2 Pierre 1:12

Gir’n ke nè á m’ndi m’olé’n kem̂ si dɔ-dɔ dè nyange’t nè nga. Sei geri nyange nè nga ɓá, sei i bai nja si nang dè ngarankum tà’t nga a tɔ, ade m’ger mbak kuwe. Nè né è bè géa, m’a m’olé kem̂ si dè’t kuwe.

2 Pierre 2:15

Dé njé njé tête tà kunde tà Nube’t nè nga, dé ndem tede d’inye go rebe le de ke danné sêw, dé ndolè’n go Balaam, ngonn le Béor. Balaam nga ndɔ ke d’ade’n nar tede ra’n nyan ke majelé.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.