1 Pierre 5:10 - Nouveau Testament en Gulay 2004

¹⁰ Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Pierre 5:10 ပူးပေါင်းရင်းမြစ်များ

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

Nje Ke Rome 15:5

Korè tà njak se sɔlkêm nga in-in ra Nube’t. M’deje Nube le kade ra se si ade umi nan’t titeke Jésu-Krist ndige’n nga.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 9:11

Kété ke d’oje ndungege nè lé ɓai nga, Nube ede Rébecca ede nè: «Ngonn ke ngatɔg à ra ɓer le njè ke ndêin. Nube ɔje nyan nè nga kété ɓita kade ngannge nè rai maje éké rai majelé ɓai.

Nje Ke Rome 9:24

Dooge ke Nube ra se de kêmkanm nga, è jèi ke è ɓar jèi. E dann jéi jèi Juipge kuwe se kar jéi á Nube ɓar jèi lé, nè è ɓar njé ke ei Juipge lé nga tɔ.

1 Nje Ke Corinthe 1:10

Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.

1 Nje Ke Corinthe 1:9

Nube ke ɓar sei kade umi nan’t bɔk se Ngonn’n Jésu-Krist Kuwe-ɓee le jéi nga, è njè kube go ndukunn le’n kinye lé.

2 Nje Ke Corinthe 13:11

Ngakonmge, gute tàge ke nain kade m’ede sei á tò nè: I rai ranel se ndɔge-ndɔge, awi kum si ke kété-kété dè maje kɔr njêt’t, i sɔli kêm nan, adi tàgir le si è karé, i ndii se kêmlom. Titeke bè á Nube ke njè tár sei ke kêmlom in rann’t à nain’n se si.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

Nje Ke Colosses 2:7

Ulei ngire si nang rann’t janm-janm a, i rɔti ndikumgajer le si dènn’t a tɔ. I ɓeɓerei dè kundekem̂ dè Krist’t titeke dé ndó’n sei kété ɓá. I rai Nube oiyo se ndɔ si, ndɔ si.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

2 Nje Ke Thessalonique 2:14

Nube ɓar sei ɔje dè è ke nè nga se go Tà ke Maje ke ndɔ ke j’ile mber’n j’ade sei. Sei oréi nan se Kuwe-ɓee le jéi Jésu-Krist dè ndubra’t le’n.

2 Nje Ke Thessalonique 2:17

le kade sɔli ngarankem̂ si adi sei tɔg si tede kade nyanra si se tà tam si è ke maje se ndɔ-ndɔ.

2 Nje Ke Thessalonique 3:3

Kuwe-ɓee è njègel goto: è à ade a i ndai dè nja si’t njáng a, à an dè si sêw-sêw le kade njè kem̂ majelé gang kɔte si’t lé.

1 Timothee 6:12

I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

1 Pierre 1:15

Nube è ke njè ɓar sei nga tò se ninn’n gai. Bè ɓaa, sei géa adi nyanra si tò se ninn’n gai a tɔ,

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.