1 Pierre 5:1 - Nouveau Testament en Gulay 2004

¹ M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Pierre 5:1 ပူးပေါင်းရင်းမြစ်များ

Tà ke Maje ke Luc ndang 24:48

Nyange ke sei an-in nga ɔri go tà’n gar-gar adi dooge ke rang ooi.

Nyanra Njekawkulege 1:22

Doo nè nga, gar-gar maje kade è doo ke ndɔ ke è se jéi nan’t, unn gir ndɔ ke Jean ule’n Jésu manné njonm sár tee’n ndɔ ke Nube unn’n dann jéi’t seen aw’n se’n danrán.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nyanra Njekawkulege 14:23

Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

Nyanra Njekawkulege 15:4

Loo ke Paul se Barnabas se dooge ei se de teei kêm ɓee-bò ke Jérusalem ɓá ɓaa, njékebe nange le Nube a, njékawkulege a, se ngatɔgege a tɔ uwei de mba se maje’n. Paul se Barnabas ɔri ser nyange malang ke Nube ra se adi d’oo.

Nyanra Njekawkulege 15:6

Njékawkulege se ngatɔgege ɔsi nja nan le teri gir tà nè nga kan-in.

Nyanra Njekawkulege 2:32

Jésu nè ke man m’ede sei tà le’n nga, Nube ade unde loo tee dann njé ke koo’t. Jéi malang j’ooi tà kunde loo tee le’n dann njé ke koo’t nga se mbi jéi.

Nyanra Njekawkulege 20:17

Nè né è bè géa, loo ke Paul tee kêm ɓee ke Milet ɓaa, è ule kule ɓar ngatɔgege le njékebe nange le Nube ke kêm ɓee-bò ke Ephèse.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 21:18

Barè lookar’n ɓaa, Paul aw se jé ra Jacques’t, ngatɔgege malang reei ingei jè rann’t.

Nyanra Njekawkulege 3:15

Sei tɔli Ngar ke njè kade dooge ndii kumgajer se non nga, nè Nube ade unde loo tee dann njé ke koo’t. Jésu ke Nube ade unde loo tee dann njé ke koo’t nga, jè j’an’n se kum jé a, j’oo tàge le’n se mbi jé a tɔ.

2 Nje Ke Corinthe 5:1

Kerɔte kuwe, danra jéi ke jè ndii dè nang nè nga, tò asenan se kei kam ke ndɔ ke rang à jɔri. Nè jè geri mbak titeke kei le jéi ke tò se non tò danran nú non. E kei le Nube kuwe á ra m è ji doo-ndulge á ra lé.

2 Nje Ke Corinthe 5:8

Jè nda kêm jé káng ade j’an titeke kinye danra kaw ndi ra Kuwe-ɓee’t nga è soo’t ngain.

Nje Ke Philippes 1:19

M’ger titeke nyan nè nga malang à tel gir kaje’m se go tà ke a ɔji se Nube a, se ra ke Ndil Jésu-Krist à ra se’m a tɔ.

1 Timothee 5:1

In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.

1 Timothee 5:19

Maje kade njékɔrgo tàge joo éké mute tá ilei tà dè ngatɔge’t. Ke nè á è bè lé ɓaa, i taa tà nè nga lé ɓai.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Tite 1:5

Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.

Philemon 1:9

Nè m’ra ndoo rai’t tede k’ee ke i kotár le’m. Man Paul ke m’ee ngatɔg doo nga, m’tò dangai’t ɗarinè tede tà le Jésu-Krist.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

1 Pierre 4:13

Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

1 Pierre 5:4

Titeke bè á loo ke ndɔn’t maw njèkul bate kosge à tel kunde loo tee pan ɓaa, à ingei jɔkɔ kunn banga le riɓar ke à ndis ndan lé.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

2 Jean 1:1

Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.

3 Jean 1:1

Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.