1 Pierre 4:7 - Nouveau Testament en Gulay 2004

⁷ Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 4:7 ပူးပေါင်းရင်းမြစ်များ

Matthieu 24:42

Bè ɓaa, i ndii kum tede sei geri ndɔ tel le Kuwe-ɓee le si nga lé.

Matthieu 25:13

Jésu tel ede de ɓai ede nè: – I ndii dè nja si’t tchên tede sei geri ndɔ’n éké kàde’n lé.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

Tà ke Maje ke Luc ndang 22:46

E deje de ede nè: – Ké bain á i tooi ɓi titeke bè wa? Ɔsi nang in-in dɔ ɔji tà se Nube kade osoi dann nyan sú’t lé.

Nje Ke Rome 12:12

I rai ranel dè nyan ke sei undei kêm si tchên dè’t nga. Oréi tà si njak dann nyantosowur’t ɔji tà se Nube se ndɔge malang m ebi’t lé.

1 Nje Ke Corinthe 15:24

Krist à tuju njékonɓeege se ndukunnge se tɔgmong-ge le de ei njékɔse tà se Nube kɔke pa ɓita à tel se ɓeekon kule ji Bɔ’n Nube’t ɓai. Ndɔ’n nè nga ɓita à è ngei ndɔ ɓai.

1 Nje Ke Corinthe 7:29

Ngakonmge, m’ede sei ndàt: Kurloo ke nain nga, ngal ngain lé ta. Unn gir ɗarinè, maje kade njé ke taai dinye teli ndii titeke ndɔ ke taai dinye lé bè.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Philippes 4:5

Maje kade dooge malang geri sei loo kaw lom-lom le si. Kuwe-ɓee è ngɔr ta.

Nje Ke Colosses 4:2

Uwei ra si mong ɔji tà se Nube se ndɔge malang a, i ndii kum dè ra’n oiyo’t a tɔ.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

Tite 2:12

Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Hebreuge 10:25

Adi j’inyei loo kebe nan le jéi titeke njé ke nange ebi ra de dè’t se ndɔge, ndɔge nga lé. Adi j’ulei dingem kem̂ nan’t dum ke kété tede sei an-in ndɔ tel le Kuwe-ɓee Krist nain ngɔr ta.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 3:7

Sei ngaw dinyege géa i ndii se dinyege le si se kumkunju’n. Maje kade i geri titeke dé tò d’asenan se jó ke ɓann bè. I tɔsi kum si dè de’t a, ilei riɓar dè de’t a tɔ. Kaje ke Nube uwe’n se si noje nga, dé géa d’a d’inge se si nan’t. I rai titeke bè tede kade nyan karé bè géa ɔge sei loo kɔje tà se Nube lé.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»