Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pierre 4:6 - Nouveau Testament en Gulay 2004

6 Gir’n ke nè á njé ke weii ɓá géa, d’aw d’ile mber Tà ke Maje nga d’ade de. Dé gang tà dè de’t tite gute dooge ke rang loo ke ndii se dè de dɔ ɓai. Nè ɗarinè asi teli ndii kumgajer takul Ndil-Kem̂nda tite Nube ndii’n kumgajer nga tɔ.

အခန်းကိုကြည့်ပါ။ ကော်ပီ




1 Pierre 4:6
14 ပူးပေါင်းရင်းမြစ်များ  

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.


Ɗarinè jè ndii kumgajer gir gute-ndu’t le Ndil-Kêmnda takul kum ke j’umi nan’t bɔk se Jésu-Krist. Gute-ndu le Ndil-Kêmnda nga ɔr’m ɓee ɓer’t le majelé ke aw se’m ke tà yo’t.


Gute-ndu ile’m tà yo’t ade ɗarinè m’ee yo-doo gir gute-ndu’t tede le tel ndi kumgajer tede le Nube ta. Man nga dé tɔl’m kade kage-ke-dese’t se Krist nan’t se non’m.


Jè ndi kumgajer takul Ndil-Kem̂nda; bè ɓaa, jè njiyei se goo Ndil-Kem̂nda.


Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.


Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.


Takul Ndil-Kem̂nda nè á Krist aw’n sár ile’n mber ade ndilge ke tooi dangai’t.


Doo ke danrán karé ke rang ke aw se tɔgmong dè por’t unde loo tee pitring dè ɗinger loo nyankuje-mese’t. E tam tà se ndu’n ke bòi beng ede made’n ke uwe ngɔrong ke ate pem̂ jinn’t nga ede nè: «Ile ngɔrong lei ke ate pem̂ non nang lêr uje’n kul nduu ke dè nang nè ɗap i gang, tede kul’n nga ɔɔ ɓá.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ