1 Pierre 4:2 - Nouveau Testament en Gulay 2004

² E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

1 Pierre 4:2 ပူးပေါင်းရင်းမြစ်များ

Matthieu 12:50

Nanan ke ra nyan ke kêm Bɔ’m ke danrán ndige ɓaa, è nè nga è tite ngokon’m ke dingem se kon nann’m se kon’m ke get a tɔ.

Matthieu 20:4

E ede de ede nè: «Sei géa, ɔti awi kêm ndɔr nduu’t le’m ɓaa, m’a m’uge sei se go rebe’n.»Dooge nè ɔti awi kuwe tɔ.

Matthieu 21:31

Ngannge ke joo nè nga, ké è ke ra ra nyan ke kêm bɔ’n ndige wa? Njékɔr non Juipge teli ilei Jésu dè’t edi nè: – E ke desêin. Jésu ede de ede nè: – Kerɔte kuwe, man m’ede sei ndàt, njétaa tirge se kaiya-dinyege á ei non si’t kété kêm Konɓee’t le Nube.

Matthieu 7:21

Nanan ke ɓar’m ede nè: «Ngar, Ngar» karè à ile nja’n kêm konɓee ke danrán lé. Nè nanan ke ra nyan ke kêm Bɔ’m ke danrán ndige ɓita à ile nja’n kêm Konɓee’t le Bɔ’m nga ɓai.

Marc 3:35

Nanan ke ra nyan ke kêm Nube ndige ɓaa, è nè nga è ngokon’m, se kon nann’m a tɔ.

Marc 7:21

Tàgirge ke majelé in-in kêm ɓengre dooge’t kei. Titeke bè á dooge teli ei njé tooi se nan ke kaiya’t, njéɓog-ge, njé tɔl dooge,

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 7:17

Ke nè á doo karé ndige ra nyan ke kêm njèkule’m Nube ndige ɓaa, à ger tite nyan-ndó nè nga in ra Nube’t. E man kuwe á m’in se dè’m m’ndó nyan dooge lé.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

Nje Ke Rome 14:7

Doo karé dann jéi’t ndi kumgajer éké wei tede le’n è kuwe se kar’n lé.

Nje Ke Rome 6:11

Bè ɓaa, sei géa an-in ra si ke ninn dooge ɔje dè kaiya, nè an-in ra si ke dooge ke teli ndii kumgajer tede le Nube takul kum ke umi nan’t bɔk se Jésu-Krist.

Nje Ke Rome 6:2

Jèi nga, jèi dooge ke j’ebi ra jéi dè ra majelé’t: à ɓaa, ké j’à teli kulei ra jéi dann majelé’t mbiriri titeke bain taɓai wa?

Nje Ke Rome 7:4

Ngakonmge, sei géa le si è titeke bè tɔ. Loo ke sei umi nan’t bɔk se Krist ke wei tede jéi kade kage-ke-dese’t nga, sei ɔri ra si ji gute-ndu’t sei teli sei dooge le doo karé ke rang ta. Doo karé ke rang nè nga, è Krist ke ndɔ ke Bɔ’n Nube ke njètɔgmong ade unde loo tee dann njé ke koo’t. Gir’n ke nè á j’asikum rai nyange ke maje tede le Nube.

2 Nje Ke Corinthe 5:15

Krist wei tede le de malang, tede kade njé ke ndii kumgajer ndii tede le de ei kuwe lé ta. Nè à ndii kumgajer tede le Krist ke wei a, unde loo tee dann njé ke koo’t tede tà le de a tɔ.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

Nje Ke Ephese 5:17

I ndii sann karè lé, nè i sangi rebe le ger nyan ke Kuwe-ɓee ndige le kade i rai nga tá.

Nje Ke Ephese 6:6

I rai tede tàkum de éké le taa’n kum dooge karè lé. Nè i rai kule se kem̂nda káng tite ɓerge le Krist ke rai nyan ke kem̂ Nube ndige.

Nje Ke Colosses 1:9

Gir’n ke nè á jè géa, unn gir kem̂ ndɔn’t ke tà’n oso’n mbi jé’t nga, ndɔ karé bè géa j’ebe ra jé kɔje tà se Nube tede le si lé. Jè deje’n le kade ade kum si gang dè nyan ke kem̂’n ndige’t a, taɓai jè deje’n le kade Ndil-Kem̂nda ade sei kumkunju se gos ter nyan ke deri taa ra si pel-pel.

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

1 Nje Ke Thessalonique 5:18

I rai Nube oiyo dè nyange’t malang. E á è nyan ke Nube ndige le kade sei ke umi nan’t bɔk se Jésu-Krist i rai.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

Jacques 1:18

E ɔje se go kem̂ndige le’n le kade jèi ndikumgajer takul Tà ke Maje le’n ke è ngarankum tà. Gir’n ke nè á jéi le’n kuwe deri dann nyankundege le’n malang.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.

1 Jean 2:17

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.