1 Pierre 4:18 - Nouveau Testament en Gulay 2004

¹⁸ Magtub ke tò se ninn’n tam titeke bè ede nè: «Ke nè á doo ke njé ra nyan se dè naje’n loo kinge kaje le’n tur ɓaa ké njè kile koje dè Nube’t lé se njè ra majelé à rai se ra de bain ta wa?»

1 Pierre 4:18 ပူးပေါင်းရင်းမြစ်များ

Tà ke Maje ke Luc ndang 15:1

Ndɔ karé bè, njétaa tirge se njé ke d’an de ke dooge ke majelé reei ra Jésu’t le koo tàge ke à ndó de.

Tà ke Maje ke Luc ndang 23:31

Ke nè á dé ra nyange nè titeke bè se’m man kage ke tebe, à ɓaa sei ke i tooi asinan se kage ke tutu nga, ké le si à tò titeke bain wa?

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 27:24

«Paul, i ɓel lé. Gar-gar a i nda non njèkonɓee’t kêm ɓee-bò ke Rome. An! dooge malang ke ndii sei nan’t kêm bato’t nga, Nube à aje de takuli i.»

Nyanra Njekawkulege 27:31

Paul an bè ɓaa, è ede njèkan dè njérɔge ke aru karé se njérɔge ede nè: – Ke nè á dooge nè nga ndii kêm bato’t lé ɓaa, sei a asikum kaji yo lé.

Nje Ke Rome 1:18

Wong le Nube in danrán nú ree oso dè njé mbatennge a, se njé ra nyan se dè naje’n lége malang a tɔ, tede nyanra de ke majelé utu dè ngarankum tà.

Nje Ke Rome 5:6

Oiyo, loo ke ndɔ ke tɔg jéi ase tee ji ɓer’t le kaiya lé ɓai nga, Krist wei tede njékute Nube mbeng-ge dann kurloo ke è Nube kuwe ɔje.

Nje Ke Rome 5:8

Nè Nube tɔje jéi ngarankêm’n titeke n’tár jéi takul kwei le Krist: Loo ke ndɔ ke jè nain ke njé ra majelége ɓai nga, Krist wei tede tà le jéi.

1 Nje Ke Corinthe 10:12

Gir’n ke nè á doo ke gir kêmn’t ede nè n’nda dɔ ɓaa, maje kade unde kumkunju dè rann’t nè bainléa à kin koso dann majelé’t.

1 Timothee 1:9

Taɓai, jè ger titeke gute-ndu Nube nga tò tede le njé ra nyan se dè naje’n lé, nè tò tede le njékaltàge se njé dum nange se njé nede Nubege se njékaiyage se njé kile rasɔl dè Nube’t se dè loo le’n ke tò se ninn’t. Gute-ndu Nube tò tede le njé tɔl bɔ dege se kon dege, tò tede le njé tɔl dooge a tɔ.

Hebreuge 4:1

Ndɔ ke Nube unn ndu’n ede nè j’à j’awi loo taa kebe’t le’n. Ndukunn le’n nè nga tò njáng ɓai. Bè ɓaa, ade j’undei kumkunju dè ra jéi’t le kade doo karé dann si’t ɔse loo taa kebe nè nga pat nal lé.

Jacques 5:6

Sei ilei tà dè njé ra nyan se dè najennge, i tɔli de se ndáng karè anje kade ilei rɔ adi sei.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

Jude 1:15

le gang’n tà dè dooge’t karé-karé malang ɔje dè nyanra de ke majelé. Kuwe-ɓee à ree le gangtà dè njé kile koje dè Nube’t lége malang. E à ree le gangtà dè njé ra majelége malang tede tàge ke majelé ke tami se’n nga a tɔ.»