1 Pierre 4:17 - Nouveau Testament en Gulay 2004

¹⁷ Ndɔ gangtà nain ngɔr. D’a d’unn gir dè kosdooge’t le Nube. Ke nè á d’unn gir gangtà dè jéi jèi’t kuwe kété ɓita ɓaa, ké le njé ke mbati kundei kem̂ de dè Tà ke Maje’t nga à tò bain ta wa?

1 Pierre 4:17 ပူးပေါင်းရင်းမြစ်များ

Tà ke Maje ke Luc ndang 23:31

Ke nè á dé ra nyange nè titeke bè se’m man kage ke tebe, à ɓaa sei ke i tooi asinan se kage ke tutu nga, ké le si à tò titeke bain wa?

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 2:9

Njé ra nyange ke majelé nga, nyantosowur se ɓel à rai de kade kàde de à gete get-get. Juipge kuwe nyange nè à ra de kété pa ɓita à ra njé ke ei Juipge lé ɓai.

Nje Ke Galatie 3:1

Hai! sei njé kem̂ tɔ kuju tàge lé ke i ndii kem̂ ɓeekon ke Galatie. Ké nan yêl sei bè wa? Sei nga d’ɔrgir tà le Jésu-Krist ke dé ɓer’n kade kage-ke-dese’t d’ade tò nata ndái-ndái tàkum si’t.

Nje Ke Galatie 5:7

Kété sei an-in ngɔde maje. Ké nan ɗarinè ɔge sei kile koje dè ngarankum tà’t nga wa?

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

1 Timothee 3:15

Ke nè á m’aw m’ingei kalang lé ɓai géa, magtub nè kuwe à tɔji rebe njiye dann njékem̂keige le Nube. Njékem̂keige le Nube ke njèndi kumgajer nga ei njékebe nange le’n; ei kage ngaw-dann kei ke gete ngarankum tà.

Hebreuge 11:8

Takul kundekem̂ á Abraham ile’n koje dè ɓar ke ndɔ ke Nube ɓar’n. Abraham in aw kem̂ ɓeekon ke ndɔ ke Nube unn’n ndu’n le kade’n. E in jain aw nal ger loo ke get ke è ndi à aw ke tutu.

Hebreuge 2:2

Tà ke ndɔ ke dooge ke danrán ndói kà jéige nga, ke nè á doo karé al dè éké unn mbi’n dè’t ɓaa, kure’n à ɔde kum’n se go rebe’n titeke d’ɔje’n nga kuwe.

Hebreuge 2:4

Nube kuwe géa ra nyan-tɔjege se nyange ke dum kum a, se nyankɔbege gai-gai le kade njékɔrgo tàge an-in tà tam de ke ngarankum tà le’n è Nube kuwe. Taɓai, Nube kai nyan-nojege le Ndil-Kem̂nda se go kem̂ndige le’n è kuwe.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

1 Pierre 2:5

Sei géa i tooi asinan se kuberi her ke tò kumgajer. Dé rɔte sei tà nan’t d’ade i teli sei kei le Ndil a, i teli njékuje nyan-mesege ke i tooi se ninn si tede kade unni nyankuje-mesege se goo Ndil Nube adi nin. Nube à taa nyankuje-mese nè nga takul Jésu-Krist.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.