1 Pierre 4:14 - Nouveau Testament en Gulay 2004

¹⁴ Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.

1 Pierre 4:14 ပူးပေါင်းရင်းမြစ်များ

Matthieu 5:11

Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Jean 15:21

Nè dooge à rai se si nyange nè malang tede ri’m man a, tede ger ke ei geri njèkule’m nga lé a tɔ.

Jean 8:48

Juipge teli deji Jésu edi nè: – Tam ke jè tam kété j’ede nè i doo ke kêm ɓee-bò ke Samarie karè a, kumen tò kêmi’t a tɔ nga, ké è loon’t lé wa?

Jean 9:28

Ke loon’t nè kuwe, Pharisienge unni gir taji doo ke kété è njèkumtɔ edi nè: – I á i njèkuwe-gir doo nyan le doo nè nga! Nè jè ɓaa, jé pajage le Moise.

Jean 9:34

Pharisienge in-in se doo ke ndɔ ke è njèkumtɔ nga edi nè: – I ke d’oji dann majelé’t bere mbak taa i ndige le tel k’ee njè ndó jè nyan wa? Ke loon’t nè dé rɔ’n kêm kei kebe nan’t d’ile’n nata.

Nyanra Njekawkulege 13:45

Njé ke reei le kooi tà bulei ngain. Loo ke Juipge an-in kosdoo-bulege nè nga bè ɓaa, jang unn gir ra de. Gir’n ke nè á, d’ute’n tàge le Paul mbeng-mbeng a, dé taje’n a tɔ.

Nyanra Njekawkulege 18:6

Nè loo ke Juipge utei tà le Paul mbeng a, taji nin a tɔ ɓaa, è yei kubuge le’n yák-yák ede de ede nè: – Maje kade mese si oso dè si sei’t kuwe! Man ɓaa, tà le mese si à uwe dè’m lé. Unn gir ɗarinè, m’a m’tel ra’m ke ra dooge ke geri Nube lé’t ta.

Nyanra Njekawkulege 28:22

Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

2 Nje Ke Corinthe 12:10

Gir’n ke nè á m’ra’n ranel dè yai’t le’m, dè tajege ke dooge taji man éké dè nyange ke nal’m. Man m’ra ranel dè ra ke dé ra kum’m ndoo, dè ra ke dé ra’m d’ade kàde’m gete get-get tede tà le Krist. Tede loo ke m’an ra’m ke njè tɔg goto ɓaa, lotbè á tɔg’m in dè made’t ɓai.

2 Nje Ke Corinthe 4:10

J’oto nyankêmkonge le Jésu dè jé’t se ndɔge malang tede kade d’an’n ndikumgajer le’n ke tò nata ndái-ndái ra jé’t tɔ.

2 Nje Ke Corinthe 4:16

Gir’n ke nè á j’ade kêm jé tête’n mann lé. Ke nè á danra jé ke nata ayé jɔri géa, ngarankum ra jé tel in mande se ndɔge malang.

Nje Ke Galatie 1:24

Njétaakem̂-Kritsge ke Judée ɗɔyi Nube tede tà le’m man.

Hebreuge 11:26

Moise an rasɔl ke ndɔn’t d’a d’ile dè Krist’t nga ke nyanbaw ke dum dè nyanbawge malang ke ɓeekon ke Egypte. E oré kum’n sêw dè nyankuge dè jinn’t ke ndɔ ke rang.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 5:11

An-in! dooge ke ndai dè nja de’t njáng nga, j’ede nè ei njéranelge. Kerɔte kuwe, sei ooi sertà ke ɔje dè korè tà njak le Job. Sei geri nyange ke Kuwe-ɓee ade’n utu go nyankumndoo ke ra’n. Oiyo, Kuwe-ɓee nga è baw kan kumtondoo a, è baw kem̂kanm a tɔ.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:14

Ke nè á ingei kem̂kon tede nyanra si ke se dè naje’n ɓaa, ali ra si. I ɓeli dooge lé a, adi kem̂ si olé bɔt-bɔt lé a tɔ.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 4:16

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

2 Pierre 2:2

Dooge bule à ndolèi go nyanra pás-pàs le de. Dooge ngain à nedi nyanra si se tà tam si tede nyanrage ke pás-pàs.