1 Pierre 4:13 - Nouveau Testament en Gulay 2004

¹³ Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.

1 Pierre 4:13 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Matthieu 25:23

Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»

Matthieu 25:31

Loo ke man ke m’ee Ngonn doo m’a m’tel ree se dooge ke danrán malang dann ndubra’t le’m, kêm ndɔn’t nè nga m’a m’al ɗáng ndi dè kutu-ngar’t le’m.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 5:12

I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Marc 8:38

Man Ngonn doo nga m’a m’tel ree dann ndubra’t le Bɔ’m se njékêmndage ke danrán. Nanan ke ra’n sɔl’n dèm’t se dè tà’t le’m non njé ra majelége ke njé mbate Nubege ke ndii dè nang nè ɓaa, man Ngonn doo nga géa ra’m à sɔl’m dènn’t tɔ.

Tà ke Maje ke Luc ndang 17:30

Ndɔ ke man ke m’ee Ngonn doo m’a m’ndubra’m ke nata nga géa à è titeke bè tɔ.

Nyanra Njekawkulege 16:25

Dann ndɔɔ bɔp ɓaa, Paul se Silas ɔji tà se Nube’t a, ɔsi pa ulei ndubra dènn’t a tɔ. Dangai made dege uri mbi de ooi ndu de.

Nyanra Njekawkulege 5:41

Njékawkulege undei loo teei loo gangtà’t se ranel tede Nube an de ke dooge ke asikum kade d’ile rasɔl dè de’t tede ri Kuwe-ɓee Jésu.

Nje Ke Rome 5:3

E ke nè á go karé lé, nè dè jé in tchakm dann nyantosowurge ke ra jèi, tede jè geri titeke nyantosowur oje korè tà njak.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

Nje Ke Rome 8:18

M’gir kêm’t titeke nyantosowurge ke ndii à rai jèi ɗarinè nga à asinan se riɓar ke bò ke ndɔ ke rang j’à j’ingei nga lé.

2 Nje Ke Corinthe 1:5

Nyankêmkonge le Krist oji nan ra jé’t nyanmi-nyanmi. Krist ade sɔlkêm ke dum oje nan ra jé’t nyanmi-nyanmi titeke bè tɔ.

2 Nje Ke Corinthe 1:7

Kêm jé ke j’unde tchên ke dè si’t nga tò njáng. Jè ger mbak, nyankêmkonge ke sei ulei ra si tutu se jé nga, sei ɓei nan se jé dè sɔlkêm’t titeke bè tɔ.

2 Nje Ke Corinthe 4:10

J’oto nyankêmkonge le Jésu dè jé’t se ndɔge malang tede kade d’an’n ndikumgajer le’n ke tò nata ndái-ndái ra jé’t tɔ.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nje Ke Philippes 3:10

Man m’ndinge ra’m le ger gel Krist, le ger tɔgmong kunde loo tee dann njé ke koo’t le’n. M’ndinge ra’m le korè se’n nan dè kem̂kon’t le’n a, se le tel tanan se’n dè kwei’t le’n a tɔ.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 2:21

E è ke nè á è nyan ke dé ɓar sei tede kade i rai. Krist nga ndɔ ke inge kem̂kon tede tà le si. Nyankem̂kon ke ndɔ ke ra’n nga è inye ke nyan-tɔje le si tede kade sei kuwe géa unni dè nja’n têr-têr tɔ.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

Jude 1:24

Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.