1 Pierre 4:12 - Nouveau Testament en Gulay 2004

¹² Kotárge le’m, nyan ke tee dè si’t asenan se por ke on bilm-bilm bè nga, an-in ke nyankɔbe ke tee dè si’t pan lé. E nyan ke tee le nan kundekem̂ le si.

1 Pierre 4:12 ပူးပေါင်းရင်းမြစ်များ

1 Nje Ke Corinthe 10:13

Nyan ke nan sei nga, è gàr nyan ke nan doo-ndul madesige kuwe tɔ. Nube è njèkinye go kunn-nduge le’n lé. Ke nè á nyan nan sei ɓaa, Nube à inye sei kade nyan nan al dè tɔge si lé. Nube à ade sei gos korè tà njak kade undei loo i teei dann nyan nan’t nè nga.

1 Nje Ke Corinthe 3:13

ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.

2 Timothee 3:12

Kerɔte kuwe, dooge malang ke umi nan’t se Jésu-Krist, ke ndigi kilei koje dè Nube’t nga d’a d’ɔr de kororoi.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

1 Pierre 4:4

Kebe ke sei ebi ra si dè ra nyange ke pás-pàs nan’t se njé ke geri Nube lé nga, ɗarinè an-in ke nyankɔbe. Gir’n ke nè á ei unni gir taji sei mbɔk-mbɔk.

1 Pierre 5:9

Ilei rɔ adi nin. I ndai dè kundekem̂’t le si njáng tede sei geri mbak titeke nyankem̂konge nè nga kété teei dè ngakon sige’t dè nang nè ɓá ta.