1 Pierre 4:11 - Nouveau Testament en Gulay 2004

¹¹ Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

1 Pierre 4:11 ပူးပေါင်းရင်းမြစ်များ

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Jean 13:31

Loo ke Judas unde loo tee nata ɓá ɓaa, Jésu tam ede nè: – Ɗarinè d’ule ndubra dè’m man Ngonn doo’t ɓá ta. Nube géa d’ule ndubra dènn’t takul’m man Ngonn doo a tɔ.

Nyanra Njekawkulege 7:38

Loo ke ndɔ ke kosdooge ke Israel kebi nan kêm dile’t nga, Moise nè è dann de’t. E è kuwe á ndɔ ke unn tà ke doo ke danrán ede’n dè mbal ke ri’n nè Sinai ede kà jéige. E taa tàge ke le ndii’n kumgajer ra Nube’t ree’n ade jèi.

Nje Ke Rome 11:36

Oiyo, Kuwe-ɓee Nube kuwe á nyan malang in rann’t a, tò takul’n a, tò tede le’n a tɔ. Maje kade riɓar è le’n sár se non! Maje kade è titeke bè kuwe.

Nje Ke Rome 12:3

Nube uwe se’m noje ke bò. Gir’n ke nè á m’ede’n sei karé-karé malang le kade undei kumkunju dè ra si’t ɔje dè tàgir le si. Maje kade nanan géa aw se tàgir ke ase dè tɔge kundekêm ke Nube ɔje ɗike’n ade’n nga.

Nje Ke Rome 16:27

Nube ke Njèkumkunju karé bere nga, maje kade riɓar è le’n sár se non takul Jésu-Krist! Maje kade è titeke bè kuwe.

Nje Ke Rome 3:2

Nonkar le doo ke è Juip è ngain ɔje dè nyange bule. E Juipge á Nube ule se tàge le’n ade de kété ke desêin.

1 Nje Ke Corinthe 10:31

Ke nè á usei nyan éké an-in nyan, éké i rai nyange ke rang gai-gai géa, i rai nyan malang kade Nube inge’n riɓar.

1 Nje Ke Corinthe 12:4

Nyan-nojege ke se ri de-ri de le Ndil-Kêmnda nga, è Ndil-Kêmnda ke karé nè kuwe á d’in rann’t.

1 Nje Ke Corinthe 3:10

Man m’tò m’asenan se kɔde kunde gir kei ke unde gir kei kété ɓita doo ke rang unde kei dè’t ɓai. Gir kei ke m’unde nga, è se go noje ke Nube uwe se’m. Nè maje kade nanan géa unde kumkunju dè rann’t ɔje dè gos kunde kei dè gir kei’t nè nga.

1 Nje Ke Corinthe 6:20

tede Nube ndogo sei se nar ke ngain ji ɓer’t le kaiya ade i ndii dè si pal ta. Gir’n ke nè á umi ra si ke nyan kile riɓar dè Nube’t.

2 Nje Ke Corinthe 2:17

Jè jè njé tel Tà le Nube ke nyan gate tite njé ke nange bule rai nga lé. Jè nga, jè dooge ke j’um nan’t bɔk se Krist. Gir’n ke nè á, Nube ade j’ile’n mber j’ade sei se kêmnda káng nonn’t.

2 Nje Ke Corinthe 9:13

Kule ke sei rai nè nga ade dooge geri sei ke njétaakêm-Kristge ke get. Sei tɔji de titeke ilei koje dè Tà ke Maje’t le Krist kuwe. Sei uwei noje se njétaakêm-Kristge ke Jérusalem a, se dooge ke rang malang a tɔ, se kêmnda káng. Gir’n ke nè á à rai Nube oiyo ngain tede tà le si ɔje dè nyange nè malang ke sei rai ɓá.

Nje Ke Ephese 1:19

M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ

Nje Ke Ephese 4:29

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Nje Ke Ephese 5:20

Nube Bɔ jéi nga, i rai nin oiyo se ndɔge malang tede nyange malang se ri Kuwe-ɓee le jéi Jésu-Krist.

Nje Ke Ephese 6:10

I ndai dingem dè kum nan’t bɔk se Kuwe-ɓee se go tɔgmong le’n m le si lé.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

Nje Ke Colosses 4:6

Maje kade tà tam si è ke maje se ndɔge-ndɔge a, kade tà si tee se tà nelge dɔ-dɔ a tɔ. Titeke bè á sei a geri loo kile nanan géa dè tà’t se go rebe’n.

1 Nje Ke Thessalonique 2:4

Nè Nube ter jè njúng ɓita um kule kile mber Tà ke Maje le’n nga ji jé’t ɓai. Jè j’ile mber Tà ke Maje tede taa’n kum dooge lé, nè le taa’n kum Nube ke njè ter ɓengre jé.

1 Timothee 1:17

Ngar ke njèndi se non, ngar ke njè kwei lé, ngar ke doo asekum kan’n lé, Nube karé bere luk-luk nga, maje kade riɓar se ndubra ei le’n sár se non. Maje kade è titeke bè kuwe.

1 Timothee 6:16

Nube kuwe se kar’n bere luk-luk á è njè kwei ndan lé. E ndi dann lookar’t ke doo karé bè géa ase gang kɔté lé. Doo ndul karé bè ke ndɔ ke an Nube goto. Doo ndul karé bè ke ɓila asekum kan Nube géa goto a tɔ. Maje kade riɓar ke à tò sár se non è le’n è kuwe. Maje kade è titeke bè kuwe.

Tite 2:1

Nè né è bè géa, i ɓaa, i ndó de nyan ke uwe made nan se ngarankum nyan-ndó ke maje nè nga.

Tite 2:15

E ke nè á è tàge ke kum kade i ndeje’n de a, in’n se de i ndáng’n de se tɔgmong ke Nube adi deri dè tàge ke se go rebe’n lé. Tite, an tá nè à kade doo karé nedi.

Hebreuge 13:7

Adi kem̂ si olé dè njékɔr non sige ke ndɔ ke ilei mber tà le Nube adi sei nga. Adi kem̂ si olé dè ndi kumgajer le de dè nang nè a, se dè kwei’t le de a tɔ. An-in kundekem̂ le de ke nyan-tɔje le si tɔ.

Hebreuge 5:12

Kò si tò ngain kade né gar-gar ɓila sei njéndó nyan made sige ta. Nè ɗarinè, sei awi ndoo kade dé tel dé ndó sei nyange le Nube titeke dé ndó’n sei nyange desêin kuwe ɓai-ɓai. Sei teli tooi asinan se ngannge ke awi ndoo mbà se mur ke mɔré tá bè.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:5

Sei géa i tooi asinan se kuberi her ke tò kumgajer. Dé rɔte sei tà nan’t d’ade i teli sei kei le Ndil a, i teli njékuje nyan-mesege ke i tooi se ninn si tede kade unni nyankuje-mesege se goo Ndil Nube adi nin. Nube à taa nyankuje-mese nè nga takul Jésu-Krist.

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

1 Pierre 4:16

Nè ke nè á nyankem̂kon ra doo tede k’ee ke è njètaakem̂-Krist ɓaa, maje kade ade ra’n sɔl’n lé, nè maje kade ra Nube’t oiyo tede ri Krist ke è unn.

1 Pierre 5:11

Maje kade tɔgmong è le’n kuwe sár se non. Maje kade è titeke bè kuwe.

Jude 1:25

Nube le jéi karé bere ke Njèkaje jèi takul Kuwe-ɓee le jéi Jésu-Krist nga, maje kade ndubra se riɓar, se tɔgmong konɓee ei le’n sár se non. Maje kade è titeke bè kuwe.