1 Pierre 4:10 - Nouveau Testament en Gulay 2004

¹⁰ Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

1 Pierre 4:10 ပူးပေါင်းရင်းမြစ်များ

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 24:14

Konɓee le Nube nga, d’a d’ile mber’n kade dooge malang ke geri Nube lé ke ndii dè nang nè bere mbak ooi kété ɓita dè nang nè à tuju ɓai.

Matthieu 24:21

Nyantosowurge ke à teei kêm ndɔnge’t nè nga, ei nyange ke teei ndɔ karé lé mari loo kunde gir nang’t sár tee ɓila. Tagar nyantosowurge nè à teei gugu rang ndan lé a tɔ.

Matthieu 24:45

Ké nan è ngonn njèndi ke gang tchat ke kuwe’n ɔr’n unde’n dè gute madennge’t le kade kai de nyankuse de se ndɔ karé-karé malang wa?

Matthieu 25:17

Ngonn njèndi ke njèkon’t joo nga géa, aw ndogo nyan tur gir tɔ. E inge made aru joo dè’t.

Matthieu 25:44

Njé ke ndai dè jigeln’t nga géa à teli deji ngar kedi nè: «Kuwe-ɓee, ké ndɔ ke ra á j’an-in loo ɓo se kunde mann ke rai’t éké j’an-in ke doo ke dɔ éké aw rai karè ndát-ndát éké ratur rai éké i tò dangai’t á jè mbate ra sei wa?»

Marc 10:45

Oiyo man Ngonn doo géa, m’ree le kade dooge ei ngann njékulege le’m lé, nè m’ree le kade m’ee ngonn njèkule le de a, le kinye ra’m kade yo ke nyan gang dè dooge bule a tɔ.

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

Tà ke Maje ke Luc ndang 19:13

E ɓar ngann njéndige le’n dɔg ade reei ingeii. E nobo de karé-karé malang nar kule ke ndɔ aru, ede nè: «Awi se nar nè i ndogoi nyan i turi gir sár kade m’ree m’inge’n sei.»

Tà ke Maje ke Luc ndang 8:3

se Jeanne, dinye le Suza njèkan dè nyange le ngar Hérode, se Suzanne a, se njé ke rang bule a tɔ. Dinyege nè malang unni nyankingege le de rai se Jésu se njékuwe-girnge.

Nje Ke Rome 15:25

Nè ɗarinè ɓaa, m’ndi m’a m’aw ke kêm ɓee-bò ke Jérusalem se nyan le ra’n se njé ke le Nube ke ndii nú.

Nje Ke Rome 15:27

Njé ke Macédoine se Achaie in-in se kêm de ei kuwe rai titeke bè le kɔr’n kure le Juipge dè de’t kɔke. Kerɔte kuwe, ke nè á girkoje dooge malang d’oré nan se Juipge dè nyan ke ɔje dè Ndil nga ɓaa, gar-gar è tà le de le ra se Juipge dè nyan ke ɔje dè danra de’t tɔ.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 3:10

Man m’tò m’asenan se kɔde kunde gir kei ke unde gir kei kété ɓita doo ke rang unde kei dè’t ɓai. Gir kei ke m’unde nga, è se go noje ke Nube uwe se’m. Nè maje kade nanan géa unde kumkunju dè rann’t ɔje dè gos kunde kei dè gir kei’t nè nga.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

2 Nje Ke Corinthe 9:1

Tà ke ɔje dè nyan-noje ke le ra’n se njétaakêm-Kristge nga, m’ebe ra’m ndang magtub kade sei ke dè nan’t, nan’t.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Ephese 4:11

E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.

2 Timothee 1:18

Maje kade Kuwe-ɓee Nube ade inge kem̂kanm ra Kuwe-ɓee Jésu’t kem̂ ndɔ ke ngeinn’t. Kulege ngain ke è ra ade’m kem̂ ɓee-bò ke Ephèse nga, i ɓaa, i ger maje dum dooge ke rang.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.