1 Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.
Bè ɓaa, sei géa an-in ra si ke ninn dooge ɔje dè kaiya, nè an-in ra si ke dooge ke teli ndii kumgajer tede le Nube takul kum ke umi nan’t bɔk se Jésu-Krist.
Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.
Gir’n ke nè á, otoi nyankatege le Nube uwei ji si’t tede kade ndɔ ke majelé unde loo tee ɓaa utei nin mbeng. Loo ke sei dumi dè ndɔ nè nga ɓá ɓaa, i ndaii dè nja si’t garang-garang.
E è ke nè á è nyan ke dé ɓar sei tede kade i rai. Krist nga ndɔ ke inge kem̂kon tede tà le si. Nyankem̂kon ke ndɔ ke ra’n nga è inye ke nyan-tɔje le si tede kade sei kuwe géa unni dè nja’n têr-têr tɔ.
Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.