1 Pierre 3:9 - Nouveau Testament en Gulay 2004

⁹ I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

1 Pierre 3:9 ပူးပေါင်းရင်းမြစ်များ

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 5:39

Man m’ede sei ndàt, doo ke ndige ra se si majelé nga, ilei rɔ adii lé. Loo ke doo karé unde mbɔri ke kon ɓaa, i tur è ke karé rang ade’n unde tɔ.

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Tà ke Maje ke Luc ndang 18:18

Doo ke bò le Juipge karé ree ra Jésu’t deje’n ede nè: – Njèndó dooge nyan, i njè maje kɔr njêt, ké m’a ra bain á le kinge’n ndikumgajer se non nga wa?

Nje Ke Rome 12:14

I tɔri ndu si dè njé ra kum si ndooge. I tɔri ndu si dè de’t m ɔri se de lé.

Nje Ke Rome 12:17

Ke nè á doo ra sei majelé ɓaa, i tel i ra se’n majelé gute made’t lé. I sangi rebe le ra nyan ke maje tàkum dooge’t malang.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

Nje Ke Rome 8:30

Njé ke Nube ɔje kade ei ngannenge kété mari ke desêin nga, è ɓar de tɔ. Njé ke è ɓar de nga, è tel de ke njé ra nyan se dè najennge a, è ile riɓar dè de’t a tɔ.

Nje Ke Galatie 3:14

Krist ra titeke bè le kade dooge ke ei Juipge lé ingei ndutɔr ke ndɔ ke Nube unn’n ndu’n ade Abraham. Ndutɔr nè nga dooge ke ei Juipge lé ingei takul Jésu-Krist. Ndil-Kem̂nda ke ndɔ ke unn ndu’n le kade jéi nga, j’ingei takul kundekem̂.

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

1 Nje Ke Thessalonique 5:15

Kem̂ si dè ra si’t le kade doo karé bè géa tel ra majelé se doo ke rang gute made’t lé. Nè ɔri nja nyan ke maje tênn-tênn i rai se nan a, i rai se dooge ke rang malang a tɔ.

Hebreuge 12:17

Sei geri mbak, Esau nga ndɔ ke mbɔr go’t gugu ɓaa, è ndige le kinge ndutɔr ke nyan-ndube nè bɔ’n ute’n mbeng. E non se mann non kumn’t a, è sang loo kade bɔ’n tel tur ndu’n nè ase nan’t ade’n lé ta.

Hebreuge 6:14

E Nube kuwe á ubu ra’n ade Abraham ede nè: «Kerɔte kuwe, man tɔr ndu’m dèi’t kade ngannkàige bulei ɗik-ɗik ke kété-kété.»

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.