Nè dingem karé bè, ke ɓee le’n è Samarie, ndi aw se rebe nè nga tɔ. E age ngɔr ke ra doo’t nè nga an’n. Ke loon’t nè kuwe, kêm’n tɔse’n se non mbik-mbik.
Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.
Doo karé ri’n nè Publius, è njèkonɓee ke dè goré loo’t nè nga. E aw se loo le’n kɔte loo’t nè nga ngɔr. Publius uwe jè ke rann’t ra jè mba maje ngain ase ndɔ mute.
Kosdooge malang ke undei kêm de dè Jésu’t nga, umi kêm nan’t karé a, tooi asinan se doo ke karé a tɔ. Ei malang umi nyange le de nan’t loo karé, m doo karé bè géa dann de’t an nyan le’n ke nyankinge’n ke ɔje dè’n se kar’n lé.
Ngakonmge, m’ndeje sei se ri Kuwe-ɓee le jéi Jésu-Krist le kade umi tà go nan’t karé. Adi kɔr kum nan goto dann si’t. Umi tà le si nan’t a, adi tàgir le si è karé a tɔ.
Ke nè á balkum ra karé ndi dann kumndoo’t ɓaa, gute balkum rage malang ndii se’n dann kumndoo’t. Ke nè á d’ile riɓar dè balkum ra karé’t ɓaa, gute balkum rage malang rai ranel se’n nan’t mbak.
Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.
Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.
Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.
An-in! dooge ke ndai dè nja de’t njáng nga, j’ede nè ei njéranelge. Kerɔte kuwe, sei ooi sertà ke ɔje dè korè tà njak le Job. Sei geri nyange ke Kuwe-ɓee ade’n utu go nyankumndoo ke ra’n. Oiyo, Kuwe-ɓee nga è baw kan kumtondoo a, è baw kem̂kanm a tɔ.
Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.
Sei basage géa, maje kade ulei dè si adi ngatɔgege. Maje kade sei malang i rai ra si ke ngann njékulege le nan tede Nube ute njé ti rage mbeng, nè è uwe noje se njé kule dè dege.
Jèi ɓaa, jè geri mbak titeke jè tugei loo yo jè gangi j’uri loo ndikumgajer’t. Tede jèi ɓaa, jè geri gir tár ke jè tári ngakon jéige nga. Nanan ke tár ngokon’n lé ɓaa, yo on ɓee dènn’t ɓai.