5 E ke nè á ei kubu kule ra’t le dinyege ke kété mari ke tooi se ninn de a, ke undei kem̂ de tchên dè Nube’t a tɔ. Dinyege nè nga, ei kuwe in-in se kem̂ de ulei dè de adi ngaw dege.
Loo ke ngaw’n wei ɓaa, è tel taa ngaw gugu lé sár ade ɓal koje’n ase’n kɔr-sɔsɔ-gidé-sɔ. Anne ra kule ade Nube se ndɔge malang. Gir’n ke nè á è inye’n kêm kei le Nube sengel lé. E ɔge kêm’n ɓo dɔ-dɔ tede ndinge’n ndoo tà Nube’t kada a, ndɔ a tɔ.
Dé malang d’um kêm de nan’t bɔk, d’aw kum de ke kété-kété dè kɔje tà se Nube’t. Dinyege ke nange tite Marie kon Jésu a, se ngakon Jésuge ndii se de nan’t tutu a tɔ.
Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.
Nè né è bè géa, d’a d’ade dinye à aje loo koje ngannge’t ke nè á è nda njáng dè kundekem̂ se dè tár nan’t se dè ra ke unju nyang-nyang a, se dè nal ti ra’t a tɔ.
Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.
Sara nga kuwe géa ɓuge gɔk-gɔk nè takul kundekem̂ á tel’n ase’n kum kunde’n ko girkà dooge. E um kem̂’n bɔk-bɔk dè Nube’t titeke ayé ra nyan ndɔ ke unn’n ndu’n nga kuwe.
Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.