1 Pierre 3:4 - Nouveau Testament en Gulay 2004

⁴ Nè maje kade i sangi mande ke dè ɓengre si’t tá. Kaw lom-lom se ndi lom á ei nyange ke à udi lé taɓai ei nyange ke gate de è ngain tàkum Nube’t.

1 Pierre 3:4 ပူးပေါင်းရင်းမြစ်များ

Matthieu 11:29

Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.

Matthieu 21:5

«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»

Matthieu 23:26

I Pharisien ke njèkumtɔ: I togo kêm nyankain mann se nyankuse nyan ade unju kété ɓita i togo gide de ade unju ɓai.

Matthieu 5:5

Njé ke awi lom-lom nga, ra de à nel de tede Nube à ade de Konɓee ke danran ke nyan-ndube le de!

Tà ke Maje ke Luc ndang 11:40

Sei njé kêm tɔ kuju tà lége, ké è Nube kuwe á ra gide nyan a, kêm nyan a tɔ lé wa?

Tà ke Maje ke Luc ndang 16:15

Jésu ede de ede nè: – Sei an-in ra si ke njéra nyan danné sêwge tàkum dooge’t nè Nube ger ngarankêm si mbak. Nyan ke è ngarankum nyan tàkum dooge’t nga, Nube an ke nyan ke tò yêr tàkumn’t.

Nje Ke Rome 1:23

Nube ke njèndi se non nga d’ile riɓar dènn’t lé, nè dé ɗɔi nyange ke dé ra de d’ade ei kum gute tà doo ke njè kwei tá. Taɓai dé ɗɔi nyange ke dé ra de d’ade ei kum gute tà helge, kum gute tà dange ke nja de è sɔ-sɔ a, kum gute tà nyange ke agi nang se tà kêm de a tɔ.

Nje Ke Rome 2:29

Nè ngarankum Juip nga è Juip ke kêm doo’t kei a, ngarankum kuje tà mɔte nga è kuje tà mɔte ke dè ɓengre doo’t. Kuje tà mɔte ke dè ɓengre’t nga in ra Ndil Nube m in ra gute-ndu ke dé ndang’t nga lé. Juip ke get nè nga inge pite ra dooge’t lé nè ra Nube’t.

Nje Ke Rome 6:6

Jè ger titeke danra jéi ke mari nga, dé tɔl’n se Jésu nan’t kade kage-ke-dese’t le kade danra ke majelé ke ur sire tutu nga tel unde nang ndagja. Gir’n ke nè á jèi ɓerge le kaiya gugu lé ta.

Nje Ke Rome 7:22

Kêm’m ke kei ra ranel dè gute-ndu Nube’t.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 4:16

Gir’n ke nè á j’ade kêm jé tête’n mann lé. Ke nè á danra jé ke nata ayé jɔri géa, ngarankum ra jé tel in mande se ndɔge malang.

Nje Ke Galatie 5:23

kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

Nje Ke Ephese 4:2

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Nje Ke Colosses 3:12

Nube tár sei ngain. Gir’n ke nè nè á è tɔr’n sei le kade sei dooge le’n ke i tooi se ninn de. Bè ɓaa, an-in kumndoo le nan, i rai kem̂kanm se nan, ulei dè si adi nan a, awi lom-lom a, ilei kem̂ si pon a tɔ.

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

1 Nje Ke Thessalonique 4:11

Uwei ra si mong le ndii lom, i tɔsi kum si dè nyange ke ɔje dè si, i rai kule se ji si titeke ndɔ ke j’unn’n ndu jé j’ade sei nga.

2 Nje Ke Thessalonique 3:12

Dé dooge nè nga, jè ndeje de, taɓai j’unn ndu jé j’ade de se ri Kuwe-ɓee Jésu-Krist: maje kade ei kuwe rai kule se tà de ke mundu a, usei nyankinge de ei kuwe a tɔ.

1 Timothee 2:2

Ɔji tà se Nube tede ngar-ɓeege, tede le njé ke tɔge konɓee è ji de’t tede kade jè ndii jêke^ se kem̂lom dè kile koje dè Nube’t. Titeke bè á j’à ra’n nyange gai-gai ke maje.

2 Timothee 2:25

Gar-gar, ɓer kule le Kuwe-ɓee à è njèndó nyan njé naje se’n tàge se ndu noje tede bainléa Nube à ade d’ade tur hal de le ger’n ngarankum tà.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

1 Pierre 1:23

Sei nga dé tel d’oje sei kige. Koje ke d’oje sei kige nè nga in ra kà sige ke njékweige lé; dé tel d’oje sei gugu kige takul tà le Nube ke njèndi kumgajer sár se non.

1 Pierre 3:15

Krist kuwe karé bere á è Kuwe-ɓee le si. Undei nin se ninn’n dè ɓengre si’t. Uwei dè nja ra si le kade nanan ke deje sei tà ɔje dè kundekem̂ tchên’t le si ɓaa, ɔri gir adi nin.