1 Pierre 3:22 - Nouveau Testament en Gulay 2004

²² Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.

1 Pierre 3:22 ပူးပေါင်းရင်းမြစ်များ

Matthieu 22:44

«Kuwe-ɓee ede Kuwe-ɓee le’m ede nè: I ndi dè jikonm’t sár kade m’ade njébange lei teli ei nyan-sure-nja kum lei.»

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 12:36

E David nga géa, Ndil-Kêmnda ɔse’n balang-balang ade tam ede nè: «Nube ede Kuwe-ɓee le’m ede nè: I ndi dè jikonm’t sár le kade m’ade njébange lei teli nyan-sure-nja kum lei.»

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Tà ke Maje ke Luc ndang 20:42

E ngar David géa tam kêm Magtub pa’t ede nè: «Kuwe-ɓee Nube ede Kuwe-ɓee le’m ede nè: I ndi dè jikonm’t.

Jean 13:32

Ke nè á d’ule ndubra dè Nube’t takul Ngonn doo nga ɓaa, Nube kuwe géa à ule ndubra dènn’t tɔ. Nube à ule ndubra dèm’t ngɔr ta.

Nyanra Njekawkulege 1:11

– Sei dooge ke ɓeekon ke Galilée, ké bain á i ndai an-in loo ke danrán sikm bè wa? Jésu nè ke d’unn’n dann si’t d’aw se’n danrán nga, ndɔ ke rang à tel ree kade an-in titeke an-in nin loo kin kaw’n danrán’t nè nga bè tɔ.

Nyanra Njekawkulege 3:21

Jésu-Krist nè nga, gar-gar à ra ɓee danrán sár kade kurloo gɔl nyange malang loon’t gugu ase’n deĵ. Kurloo gɔl nyange loon’t gugu nga, Nube ade njéribe-dè-tàge le’n ke tooi se ninn de edi sei tà’n kété mari ɓá.

Nje Ke Rome 8:34

Dooge ke Nube kuwe tɔr de a, ɔr tà dè de’t a tɔ nga, ké nan ase gangtà dè de’t wa? Doo karé bè ke ase gangtà dè de’t goto, tede Jésu-Krist wei tede tà le de. Jésu-Krist ke wei tede tà le de nga, è unde loo tee dann njé ke koo’t. Taɓai è aw ndi dè jikon Núbe’t à ra rebe tà le jéi.

Nje Ke Rome 8:38

Kerɔte kuwe, m’ger kêm’t mbak: nyan karé bè ke ase gang dann jéi se Nube ke njè tár jèi takul kum ke j’umi nan’t bɔk se kuwe jéi Jésu-Krist nga goto. Yo éké ndikumgajer, dooge ke danrán éké njékon dè looge, nyange ke ɗarinè éké nyange ke à reei,

1 Nje Ke Corinthe 15:24

Krist à tuju njékonɓeege se ndukunnge se tɔgmong-ge le de ei njékɔse tà se Nube kɔke pa ɓita à tel se ɓeekon kule ji Bɔ’n Nube’t ɓai. Ndɔ’n nè nga ɓita à è ngei ndɔ ɓai.

Nje Ke Colosses 3:1

Sei undei loo i teei se Krist dann njé ke koo’t ɓá. Bè ɓaa, i sangi nyange ke dɔ danran, loo ke Krist ndi tutu dè jikon Nube’t.

Hebreuge 1:13

Kerɔte kuwe, Nube nga teen tà’n nja karé bè kuwe ede doo ke danrán ede nè: «I ndi dè jikonm’t sár kade m’ade njé bange lei teli ei nyan-sure-nja kum lei» bè ndan lé ɓai.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 1:6

Taɓai loo ke ade Nube ule Ngonn der’n ke è dagi ade ree dè nang nè ɓá ɓaa, è tam titeke bè ede nè: «Maje kade dooge le Nube ke danrán malang ɔsi keje de nang non Ngonn Kem̂n’t nè nga le ɗɔyi nin.»

Hebreuge 10:12

Nè Krist nga unn danra’n ade ke nyankuje-mese nja karé kuwe njing tede majelé le dooge. Go’t gugu ɓita è aw ndi dè jikon Nube’t sár se non ɓai.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 4:14

Ade j’uwei kundekem̂ ke j’ilei mber’n nga mong tede j’awi se njèkuje nyan-mese ke bò. Njèkuje nyan-mese ke bò nè nga è Jésu Ngonn le Nube ke unde kem̂ danran ndàt gang aw sár ra Nube’t nú.

Hebreuge 6:20

Gile loo ke tò se ninn’n nè nga, Jésu kuwe è doo le jéi ke desêin ke ur lêbêt aw tutu tede tà le jéi. E tel è maw njèkuje nyan-mese tite Melkisédec sár se non.

Hebreuge 8:1

Maw tàge malang ke jè ndige le kede sei nga á nè: J’awi se maw njèkuje nyan-mese ke bò. E ndi danrán kɔte kutu-ngar’t le Nube ke njè dum dè nyange malang.

Hebreuge 9:24

Kei ke tò se ninn’n ke dooge rai nga è til ngarankum kei ke tò se ninn’n. E kei ke tò se ninn’n ke dooge rai nè á Krist aw kem̂é lé. Nè è kem̂ danran’t nú ra Nube’t á è ndi ra rebe tà le jéi ɗarinè.