1 Pierre 3:2 - Nouveau Testament en Gulay 2004

² D’a d’unde kem̂ de dè Nube’t takul nyanra ke maje ɔr ndàt ke d’an a, takul kule dè le si a tɔ.

1 Pierre 3:2 ပူးပေါင်းရင်းမြစ်များ

Nje Ke Ephese 5:33

Gar-gar nanan géa dann si’t à tár neen’n titeke tár’n ra’n bè. Gar-gar, maje kade dinye ɓel ndil ngaw’n.

Nje Ke Ephese 6:5

Sei ɓerge, ilei koje dè kuwe sige ke ɔje dè danra si. I ɓeli ndil de a, ilei koje dè de’t se kem̂nda káng titeke ilei koje dè Kuwe-ɓee’t bè tɔ.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 3:20

Nè jéi ɓaa, ɓee ndi jéi ke get è danrán, loo ke njèkaje dooge Kuwe-ɓee le jéi Jésu-Krist ke jè ndii jèi nginei nin nga, à in tutu le tel ree.

Nje Ke Colosses 3:22

Ɓolège, ilei koje dè kuwe sige’t ke ɔje dè danra si dè nyange’t malang. Ilei koje dè de’t tàkum de’t karè lé a, tede taa’n kum dooge lé a tɔ. I rai se kem̂nda káng i ɓeli Ndil Kuwe-ɓee.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Pierre 1:15

Nube è ke njè ɓar sei nga tò se ninn’n gai. Bè ɓaa, sei géa adi nyanra si tò se ninn’n gai a tɔ,

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:1

Sei dinyege géa, ulei dè si adi ngaw sige. Ke nè á njé ke nange ke undei kem̂ de dè tà’t le Nube lé géa à teli kundei kem̂ de dè’t takul nyanra si m takul tà tam si lé.

1 Pierre 3:3

I sangi rebe rai mande se nyange ke ra si’t nata karè lé. Nyange ke tite kuwe dè si a, tule ninge-kasege ke ra se nar-ɔr a, tule kubuge ke maji ngain ke mbirin-mbin a tɔ.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.