1 Pierre 3:18 - Nouveau Testament en Gulay 2004

¹⁸ Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Pierre 3:18 ပူးပေါင်းရင်းမြစ်များ

Matthieu 27:19

Loo ke Pilate ndi nang dè ɗinger loo gangtà’t ɓaa, neen’n ule doo karé rann’t ede nè: – Ile tài tu tà’t le njè ra nyan se dè naje’n nè nga lé. Ndɔɔ laa m’nin se’n tò ɓel ngain.

Matthieu 27:24

Loo ke Pilate an titeke nyan ke soo’t goto nè doobulege rai nyan wuu ke kété-kété ɓaa, è unn mann togo’n ji’n tàkum dooge’t malang ede nè: – Man ɓaa, tà le mese njè ra nyan se dè naje’n nè nga uwe dè’m man lé. E tà le si sei kuwe.

Jean 16:10

Njè ra se si nga à ade kum de gang dè nyanra ke se dè naje’n tede m’ndi m’aw ke ra Bɔm’t. Sei a i teli kan-in man gugu lé ta.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 3:14

E ke tò se ninn’n ke njè ra nyan se dè naje’n nga, sei utei nin mbeng, nè njè tɔl dooge tá i deji Pilate kade inye’n dɔ ade sei.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

Nje Ke Rome 4:25

Kuwe-ɓee le jéi Jésu nga, d’ule’n ji dooge’t d’ade tɔli nin tede ra majelége le jéi. E unde loo tee dann njé koo’t tede kade Nube ɔr’n tà dè jéi’t.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

Nje Ke Rome 8:11

Nube ade Jésu unde loo tee dann njé ke koo’t. Ke nè á Ndil Nube ndi kêm si’t ɓaa, Nube ke ndɔ ke ade Jésu unde loo tee dann njé ke koo’t nga à ade danra si ke njè kwei à tel ndi kumgajer. E Nube ke njè kade Jésu unde loo tee dann njé ke koo’t nga á à ade a i teli ndii kumgajer tɔ, takul Ndil’n ke ndi kêm si’t nga.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

2 Nje Ke Corinthe 1:24

Jè ndige kon sei njanm-njanm dè kundekêm’t le si nga lé. Nè jè ɓaa, jè njé ra se si kule dè ranel’t le si tede sei ndai njáng dè kundekêm’t le si nga ɓá.

2 Nje Ke Corinthe 13:4

Kerɔte kuwe, Krist nga dé ɓer’n kàde kage-ke-dese’t tede tɔg goto le’n. Nè né è bè géa, è tel ndikumgajer takul tɔgmong le Nube. Jè géa, jè njéyaige tite’n tede kum ke j’um se’n nan’t bɔk. J’à tel ndikumgajer se Krist takul tɔgmong le Nube titeke sei kuwe an-in ɗarinè.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

Nje Ke Ephese 3:12

Takul kum ke j’umi nan’t bɔk se Krist a, takul kem̂ jéi ke j’undei dènn’t á jè ndii dè jéi pal le kaw’n ngɔr ke ra Nube’t se kem̂nda káng.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 10:10

Jésu-Krist ra nyan ke kem̂ Nube ndige. E inye danra’n ade dé tɔl nja karé bere luk-luk ke ngang’n. Gir’n ke nè á è ɔr’n se-kaiyage ra jéi’t kɔke tel’n jèi dooge ke tooi se ninn de ta.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Jacques 5:6

Sei ilei tà dè njé ra nyan se dè najennge, i tɔli de se ndáng karè anje kade ilei rɔ adi sei.

1 Pierre 3:19

Takul Ndil-Kem̂nda nè á Krist aw’n sár ile’n mber ade ndilge ke tooi dangai’t.

1 Pierre 4:1

Krist nga nyankem̂kon ra ra’n. Sei géa, maje kade unni tàgir le Krist nè nga ke nyankate le rɔ’n se kaiya. Doo ke nyankem̂kon ra ra’n nga à ebe ra’n dè ra majelé’t.

1 Pierre 4:6

Gir’n ke nè á njé ke weii ɓá géa, d’aw d’ile mber Tà ke Maje nga d’ade de. Dé gang tà dè de’t tite gute dooge ke rang loo ke ndii se dè de dɔ ɓai. Nè ɗarinè asi teli ndii kumgajer takul Ndil-Kem̂nda tite Nube ndii’n kumgajer nga tɔ.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.