1 Pierre 3:17 - Nouveau Testament en Gulay 2004

¹⁷ E soo’t kade nyankem̂kon rai ɔje dè nyanrai ke maje. E ke nè á è nyan ke kem̂ Nube ndige dum kade nyankem̂kon rai ɔje dè nyanrai ke majelé.

1 Pierre 3:17 ပူးပေါင်းရင်းမြစ်များ

Matthieu 26:39

Jésu aw mbɔr ke kété ɓaa, oso labe tà kêm’n nang ɔje tà se Nube ede nè: – Bɔ’m, i asekum kute nyantosowur nè nga dèm’t mbeng ke rang kuwe. Né è bè géa, i ra nyan ke kêm’m man á ndige lé, nè i ra nyan ke kêmi ndige.

Matthieu 26:42

Jésu ɔte aw heb ɗêk ɔje tà se Nube njékon’t joo ede nè: – Bɔ’m ke nè á loo ke kade ute nyantosowur nè nga dèm’t mbeng ke rang goto ɓaa, i ra nyan ke kêmi ndige.

Nyanra Njekawkulege 18:21

E ube de inye de, ede de ede nè: – Ke nè á Nube ndige ɓaa, m’a tel ree ra si’t ɓai. Paul al kêm bato’t aw kêm ɓee-bò ke Ephèse.

Nyanra Njekawkulege 21:14

Nè loo ke Paul um tà go jé’t lé ɓaa, jè tel j’ebe’t gɔr’n j’ede nè: – Maje kade Kuwe-ɓee ra nyan ke kêm’n ndige.

1 Pierre 1:6

Nyantosowurge gai-gai nan-in sei ɗarinè mbɔr. Nè né è bè géa, i rai ranel ɔje dè kaje ke Nube uwe dè nja unde konn tede si nga.

1 Pierre 2:15

Nube ndige kade i rai nyange ke maje tede kade uwei tà njé kem̂ tɔ kuju tà lége dè tàge ke tami se si dè mbe’t nga.

1 Pierre 2:20

Doo ke orè tà’n njak dè kunde ke d’unde’n ɔje dè nyanra majelé le’n nga, ké d’a kile riɓar dènn’t titeke bain wa? Nè ke nè á doo orè tà’n njak dè nyankem̂kon ke ra’n ɔje dè ra maje le’n ɓaa, è nonkar ke Nube kuwe ade’n.

1 Pierre 3:14

Ke nè á ingei kem̂kon tede nyanra si ke se dè naje’n ɓaa, ali ra si. I ɓeli dooge lé a, adi kem̂ si olé bɔt-bɔt lé a tɔ.

1 Pierre 4:15

Maje kade doo karé bè géa dann si’t inge nyankem̂kon ɔje dè tɔl doo éké ɓoge, éké ra majelé éké kin gang ke dann nyan ke ɔje dènn’t lé nga lé.

1 Pierre 4:19

Bè ɓaa, njé ke nyankem̂kon ra de tede kile ke ilei koje dè Nube’t nga, maje kade inyei ra de bere mbak ji Njèkunde de’t, rai nyange ke maje kum de kété. Nube ke njèkunde de nga inye go ndukunn le’n ndan lé.