1 Pierre 3:14 - Nouveau Testament en Gulay 2004

¹⁴ Ke nè á ingei kem̂kon tede nyanra si ke se dè naje’n ɓaa, ali ra si. I ɓeli dooge lé a, adi kem̂ si olé bɔt-bɔt lé a tɔ.

1 Pierre 3:14 ပူးပေါင်းရင်းမြစ်များ

Matthieu 10:28

Njé ke à tɔli danra si nè asikum tɔl nganrankum ra si lé nga, i ɓeli de lé. Nè è soo’t kade i ɓeli ndil Nube ke asekum kade dé tɔl danra si se nganrankum ra si nan’t bere mbak kum de dann loo ke tur’t.

Matthieu 10:31

I ɓeli nyan karé lé, tede sei nga gate si dum dè le kos tuinge nja bule.

Matthieu 10:39

Nanan ke sang le kaje ra’n ɓaa, ndɔn’t à ile ra’n kɔke salang. Nanan ke ile ra’n kɔke salang tede’m man ɓaa, à tel kinge ra’n ɓai.

Matthieu 16:25

Nanan ke ndige kaje ra’n ɓaa à ile ra’n kɔke salang. Nè nanan ke ile ra’n kɔke salang tede’m man ɓaa à ndi kumgajer kuwe.

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Marc 10:29

Jésu ile Pierre dè’t ede nè: – Kerɔte kuwe, man m’ede sei ndàt, ke nè á doo karé inye ɓee koje’n éké ngakonnge se kon nannenge ke tɔge se njé ke girn’t éké kon’n, éké bɔ’n, éké ngann’n, éké loo ndɔrge le’n tede’m man a, tede Tà ke Maje a tɔ ɓaa,

Marc 8:35

Nanan ke ndige ngonm ra’n sár-sár ɓaa à wei, nè nanan ke ile ra’n kɔke salang tede tà le’m a, tede Tà ke Maje a tɔ ɓaa, à ndi kumgajer kerɔte.

Jean 14:1

Jésu ede njékuwe-girnge ede nè: – Adi kêm si olé bɔt-bɔt lé. Undei kêm si dè Nube’t a, undei kêm si dè’m man’t a tɔ.

Jean 14:27

M’inye kêmlom le’m m’ade sei. M’a m’ade sei kêmlom le’m titeke dooge ke dè nang nè d’ade’n nga lé. Adi kêm si tò kekek lé a, adi kêm si tête mann lé a tɔ.

Nyanra Njekawkulege 9:16

Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

2 Nje Ke Corinthe 12:10

Gir’n ke nè á m’ra’n ranel dè yai’t le’m, dè tajege ke dooge taji man éké dè nyange ke nal’m. Man m’ra ranel dè ra ke dé ra kum’m ndoo, dè ra ke dé ra’m d’ade kàde’m gete get-get tede tà le Krist. Tede loo ke m’an ra’m ke njè tɔg goto ɓaa, lotbè á tɔg’m in dè made’t ɓai.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Jacques 1:12

Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.

Jacques 5:11

An-in! dooge ke ndai dè nja de’t njáng nga, j’ede nè ei njéranelge. Kerɔte kuwe, sei ooi sertà ke ɔje dè korè tà njak le Job. Sei geri nyange ke Kuwe-ɓee ade’n utu go nyankumndoo ke ra’n. Oiyo, Kuwe-ɓee nga è baw kan kumtondoo a, è baw kem̂kanm a tɔ.

1 Pierre 3:6

Titeke bè á ndɔ ke Sara ile’n koje dè Abraham’t ɓar’n ede nè: «Ngar le’m». Ke nè á sei rai nyan ke maje se ndɔ si-ndɔ si anje ɓel nyan karé ɓaa, a i teli k’ei ngann Sara ke dinyege.