1 Pierre 3:13 - Nouveau Testament en Gulay 2004

¹³ Ke nè á ra si ɔlé pêl-pêl dè nyanra ke maje’t ɓaa, ké nan à in ra se si nyan ke majelé wa?

1 Pierre 3:13 ပူးပေါင်းရင်းမြစ်များ

Nje Ke Rome 13:3

Njé ke rai nyan maje nga à ɓeli njékonɓeege lé, nè njé ke rai majelé kuwe karé á à ɓeli njékonɓeege. Ke nè á i ndige ɓel njèkonɓee lé ɓaa, i ra nyan maje ɓaa njèkonɓee à unn tài.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

1 Nje Ke Corinthe 14:1

Ɔri nja kunde nan dann kum nan’t têr-têr. Adi ngur nyan-noje ke ɔje dè Ndil-Kêmnda á ra sei pênn-pênn, nè adi ngur ribe dè tàge ke tà Nube’t á ra sei dum nyan-nojege le Ndil ke rang.

Nje Ke Ephese 5:1

Sei sei ngannge le Nube. Nube tár sei ngain. Bè ɓaa, i ndaji nyanra’n.

1 Nje Ke Thessalonique 5:15

Kem̂ si dè ra si’t le kade doo karé bè géa tel ra majelé se doo ke rang gute made’t lé. Nè ɔri nja nyan ke maje tênn-tênn i rai se nan a, i rai se dooge ke rang malang a tɔ.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.