1 Pierre 3:11 - Nouveau Testament en Gulay 2004

¹¹ Maje kade ute ra’n mbeng dè nyanrage ke majelé’t, tel ra nyan ke maje se ndɔ’n-ndɔ’n. Maje kade sang kem̂lom a, ɔr dè nja’n têr-têr a tɔ.

1 Pierre 3:11 ပူးပေါင်းရင်းမြစ်များ

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 5:9

Njé ke d’ade made dege ingei kêmlom nga, ra de à nel de tede è dé kuwe á d’a ɓar de ngann Nubege!

Matthieu 6:13

Maje kade inye loo ade nyan sú nan jè lé, nè ɔr jè dann nyan ke majelé’t kɔke.

Marc 14:7

Njéndooge ndii se si se ndɔge malang. Sei asikum kuwei se de noje titeke kêm si ndige. Nè man ɓaa, m’a m’ndi se si se ndɔge malang lé.

Tà ke Maje ke Luc ndang 1:79

Lookar nè nga à ndogó dè njé ke ndii dann tilkus’t se njé ke ndii tà yo’t. Lookar nè nga à ɔr non jéi dè rebe ndi se kêmlom dann nan’t a tɔ.

Tà ke Maje ke Luc ndang 6:35

Nè sei ɓaa, i tári njébange le si, i rai de maje, adi dooge tunei sei nyan, nè i giri kêm si’t edi nè: «M’a tel kinge gugu ɓai» lé. Titeke bè á, nyan-kuge dè ji si à ee’n ngain a, a k’eei ngann le Nube ke Njèndi sêm danran’t. Tede Nube ke Njèndi sêm danran’t nga, è njè ra maje se dooge ke geri loo tel ra’n oiyo lé a, è njè ra maje se njékêmyêrge a tɔ.

Tà ke Maje ke Luc ndang 6:9

Go’t gugu, Jésu deje de ede nè: – Man m’deje sei tà karé koo: Ké gute-ndu inye loo ade jéi se ndɔ taa kebe le ra maje se doo éké le ra se’n majelé wa? Ké è tà le jéi le kaje doo kêm ndɔn’t nè éké le kinye’n kade tuju kɔke wa?

Jean 17:15

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Nje Ke Rome 12:18

I ndii se kêmlom se dooge malang; ke nè á asikum ra ɓaa, i rai.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 14:19

Titeke bè, adi jè sangi go nyange ke à reei se kêmlom dann jéi’t. Adi jè sangi go nyange ke à ade kundekêm le jéi à ra’n tɔge ke kété-kété a tɔ.

Nje Ke Rome 5:1

Oiyo, Nube ɔr tà dè jéi’t se go kundekêm le jéi. Gir’n ke nè á jè ndii se’n se kêmlom ɗarinè takul Kuwe-ɓee le jéi Jésu-Krist.

Nje Ke Rome 7:19

Nyan ke maje ke m’ndige le ra nga m’ra lé, nè nyan ke majelé ke m’ndige le ra lé tá m’ra.

Nje Ke Rome 7:21

M’ndige le ra nyan ke maje, nè nyanra ke majelé tá ji’m ase tutu deĵ ade m’ra se ndɔge malang titeke bè.

Nje Ke Rome 8:6

Ke nè á danra á è njèkɔr non tàgir le doo ɓaa à aw se’n kile’n tà yo’t. Ke nè á Ndil-Kêmnda á è njèkɔr non tàgir le doo ɓaa à aw se doo loo ndi kumgajer’t se kêmlom.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

Nje Ke Colosses 3:15

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

Hebreuge 12:14

Uwei ra si mong le ndii se kem̂lom se dooge malang. Awi kum si ke kété-kété le k’eei dooge ke tooi se ninn de gai. Ke nè á è bè lé ɓaa, doo karé bè géa à an Kuwe-ɓee se kum’n ndan lé.

Hebreuge 13:16

Adi kem̂ si wei nal dè ra maje’t, se dè kai tà nyankinge le si kade dooge ke rang nga lé. Nyankuje-mesege ke titeke bè nga taa kum Nube.

Jacques 4:17

Loo ke doo karé ger nyan ke maje ke kum ra, nè è ra lé ɓaa è ra majelé.

1 Pierre 3:12

Oiyo, kum Kuwe-ɓee tò dè njé ra nyan se dè najennge. E ur mbi’n oo’n tàge ke ɔji se’n. Nè è unn kum’n mbeng dè njé ra nyan majelége.»

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.