1 Pierre 3:10 - Nouveau Testament en Gulay 2004

¹⁰ Magtub ke tò se ninn’n tam ede nè: «Doo ke ndige le ndi lom a, ndige le kan ndɔge ke maje ɓaa, maje kade ebe ra’n dè tà ke majelé’t a, dè tà libe kum dooge’t a tɔ.»

1 Pierre 3:10 ပူးပေါင်းရင်းမြစ်များ

Matthieu 19:17

Jésu tel deje dingem nè nga ede nè: – Ké bain i deje’m tà ɔje dè nyan ke maje ɔr njêt’t wa? Doo karé ke njè ra nyan ke maje ɔr njêt goto. Nè Nube kuwe karé bere á è njèra maje. Ke nè á i ndige kaw loo ndikumgajer’t ɓaa, an dè ndukunnge sêw-sêw a, i ra nyan’n a tɔ.

Marc 8:35

Nanan ke ndige ngonm ra’n sár-sár ɓaa à wei, nè nanan ke ile ra’n kɔke salang tede tà le’m a, tede Tà ke Maje a tɔ ɓaa, à ndi kumgajer kerɔte.

Jean 1:47

Loo ke Jésu an Nathanael à ree ke rann’t ɓaa, è tam tà ɔje’n dè’n ede nè: – An! ngonnkà Israel ke è ngarankum doo nga. E njè sú kum loo lé.

Jean 12:25

Nanan ke ndige ra’n ɓaa à ile ra’n kɔke salang ɓai. Nè nanan ke an ra’n ke nyan lé tede le Nube dè nang nè ɓaa à ngonm ra’n ndii’n kumgajer se non.

Jacques 1:26

Ke nè á doo karé dann si’t an ra’n ke njè ger Nube, nè è ger loo kule aljem̂ tann’t lé ɓaa, è sú kum ra’n è kuwe. Ger Nube le doo nè nga tel è nyan ke raikarè.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.

Lookilera’n 14:5

Tà lanm tee tà de’t ndɔ karé bè lé. Dé njé ra nyan se dè najennge m doo ile tà dè de’t nja karé bè géa lé.