1 Pierre 3:1 - Nouveau Testament en Gulay 2004

¹ Sei dinyege géa, ulei dè si adi ngaw sige. Ke nè á njé ke nange ke undei kem̂ de dè tà’t le Nube lé géa à teli kundei kem̂ de dè’t takul nyanra si m takul tà tam si lé.

1 Pierre 3:1 ပူးပေါင်းရင်းမြစ်များ

Matthieu 18:15

Ke nè á ngokoin ra majelé ɓaa aw inge’n se kar’n, i tɔje’n majelé le’n ke ra ade kum’n gang dè’t. Loo ke è oo tà lei ɓaa, i inge ngokoin ɓá.

Nje Ke Rome 10:16

Nè dooge malang ke mbati taai Tà ke Maje nga, Esaie njèribe-dè-tà ke tà Nube’t ribe dè tà nè ɔje’n dè de ede nè: «Kuwe-ɓee, ké nan um kêm’n dè tà ke j’ede de nga wa?»

Nje Ke Rome 6:17

Ade jè rai Nube oiyo. Sei nga kété kaiya on ɓee dè si’t ade sei ɓerge le’n. Nè ɗarinè sei taai nyan ke dé ndó sei se ngarankêm si, ilei koje dè’t.

Nje Ke Rome 7:2

E titeke bè se dinye ke taa ngaw. Loo ke ngaw’n ndi kumgajer ɓai nga, gute-ndu tɔ de nan’t se ngaw’n. Nè loo ke ngaw’n wei ɓá ɓaa, è ndi dè’n pal m gute-ndu tɔ’n nan’t se ngaw’n lé ta.

1 Nje Ke Corinthe 11:3

Man m’ndige kade i geri titeke dingem ke rara géa, Krist á è doo dè’n. Dingem è doo dè dinye a, Nube è doo dè Krist a tɔ.

1 Nje Ke Corinthe 14:34

gar-gar maje kade dinyege ndii tà de mundu loo kebe nange’t: d’inye loo d’ade de kade in-in tami tà lé. Gar-gar à ulei dè de titeke gute-ndu tam’n nga.

1 Nje Ke Corinthe 7:16

I dinye ke njètaakêm-Krist, ké i ger maje titeke a aje ngawi wa? I dingem ke njètaakêm-Krist ke i ger maje titeke a aje neein wa?

Nje Ke Ephese 5:33

Gar-gar nanan géa dann si’t à tár neen’n titeke tár’n ra’n bè. Gar-gar, maje kade dinye ɓel ndil ngaw’n.

Nje Ke Colosses 3:18

Dinyege, ulei dè si adi ngaw sige tede è nyan ke tuwe dinyege ke ei le Kuwe-ɓee nga ɗêw.

Nje Ke Colosses 4:5

I njiyei se kumkunju’n ra njé ke nata’t a, i pabri kurloo ke Nube ade sei nga parr-parr a tɔ.

2 Nje Ke Thessalonique 1:8

Kem̂ ndɔn’t nè nga, kuwe jéi Jésu à ade kure nyanra njé ke geri Nube lé se njé ke ilei koje dè Tà ke Maje’t le kuwe jéi Jésu-Krist lé à ɔde kum de.

Hebreuge 11:8

Takul kundekem̂ á Abraham ile’n koje dè ɓar ke ndɔ ke Nube ɓar’n. Abraham in aw kem̂ ɓeekon ke ndɔ ke Nube unn’n ndu’n le kade’n. E in jain aw nal ger loo ke get ke è ndi à aw ke tutu.

Hebreuge 5:9

Nube tel’n ke doo ke maje ɔr njêt. Krist tel è njè kade dooge malang ke ilei koje dènn’t ndii kumgajer sár se non.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 3:2

D’a d’unde kem̂ de dè Nube’t takul nyanra ke maje ɔr ndàt ke d’an a, takul kule dè le si a tɔ.

1 Pierre 3:7

Sei ngaw dinyege géa i ndii se dinyege le si se kumkunju’n. Maje kade i geri titeke dé tò d’asenan se jó ke ɓann bè. I tɔsi kum si dè de’t a, ilei riɓar dè de’t a tɔ. Kaje ke Nube uwe’n se si noje nga, dé géa d’a d’inge se si nan’t. I rai titeke bè tede kade nyan karé bè géa ɔge sei loo kɔje tà se Nube lé.

1 Pierre 4:17

Ndɔ gangtà nain ngɔr. D’a d’unn gir dè kosdooge’t le Nube. Ke nè á d’unn gir gangtà dè jéi jèi’t kuwe kété ɓita ɓaa, ké le njé ke mbati kundei kem̂ de dè Tà ke Maje’t nga à tò bain ta wa?