1 Pierre 2:7 - Nouveau Testament en Gulay 2004

⁷ Kuberi her nè nga è riɓar tede le si sei njétaakem̂-Kristge. Nè njé ke ei njétaakem̂-Kristge lé ɓaa «Kuberi her ke gate’n è ngain ke njékunde keige mbati nin nga, tel è kuberi her ke njè mong dè kum kei.»

1 Pierre 2:7 ပူးပေါင်းရင်းမြစ်များ

Matthieu 21:42

Jésu tel ede de ede nè: – Tà ke dé ndang kêm magtub ge ke tò se ninn’n d’ede nè: «Kuberi her ke njékunde keige mbati nin nga, tel è kuberi her ke njè mong dè kum kei. E ke nè á è kule ra Kuwe-ɓee. Jè j’an ke nyan ke dum kum jé.» Tà nè nga ké sei tutei ndɔ karé bè ndan lé ɓai wa?

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Tà ke Maje ke Luc ndang 2:34

Siméon tɔr tà’n dè de’t ɓaa, è ede Marie ede nè: – An! ngonn nè nga Nube ɔr’n unde’n ke nyan-tɔje. A è gir koso a, à è gir kɔse nang kin le dooge bule ke ɓeekon ke Israel. Ngonn nè nga, à è nyan-tɔje le Nube. Nè dooge à uteii mbeng.

Tà ke Maje ke Luc ndang 20:17

Nè Jésu mer de an de gerer ɓaa deje ede nè: – A ɓaa tà ke jè tutei kêm Magtub’t le Nube ke tam ede nè: «Kuberi her ke njékunde keige ilei piring kɔke nga, tel kuberi her ke njèkade loo rɔte dè kum kei ndi tà nan’t maje» nga, ké gir’n ke get è ri wa?

Jean 4:42

Dooge ke reei ra Jésu’t nga edi dinye nè edi nè: – Jè j’um kêm jé dènn’t tede tà tami nga lé ta. Nè j’um jé dènn’t tede tà tam’n ke jè kuwe j’oo se mbi jé. Jè ger titeke è nga è njé kaje dooge dè nang nè kerɔte kuwe.

Nyanra Njekawkulege 26:19

Unn gir kêm ndɔn’t nè nga, ngar Agrippa, m’altà tà nyanpinde ke in danrán nga lé.

Nje Ke Rome 10:21

Nè Nube tam tà ɔje’n dè kosdooge ke ɓeekon ke Israel ede nè: «Se ndɔge malang, m’ule ji’m njung ke ra kosdooge ke njé dum nange se njé kute tà mbeng-ge se ndɔgé sár loo sɔlé.»

Nje Ke Rome 15:31

I deji Nube le kade ɔr’m ji njétaakêm-Kristge lé ke ndii kêm ɓeekon ke Judée a, le kade nyan-noje ke m’a m’aw’n le ra’n se njétaakêm-Kristge ke ndii Jérusalem nga, taa kum de a tɔ.

2 Nje Ke Corinthe 2:16

Jè ɓus nyan le yo tede le njé ke ndii awi ke loo tuju’t a, jè ɓus nyan le kaje tede le njé ke ndii awi ke loo kaje’t a tɔ. Ké nan asekum ra kule ke titeke bè nga wa?

Nje Ke Colosses 2:10

Krist è doo dè njékonɓeege se njé tɔgmong-ge malang. Takul’n á sei ingei nyan-nojege adi taa’n ra si pel-pel.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Hebreuge 11:31

Rahab, kaiya dinye unde kem̂’n dè Nube’t á ndɔ ke dé tɔl’n se njékaltàge tà Nube’t lé. E uwe njé gon looge ke rann’t ra de mba se kem̂lom.

Hebreuge 4:11

Ade jè pabrai loo par-par tede kile nja jéi loo taa kebe’t nè nga. Maje kade doo karé tel è njè dum nan tite kosdooge ke Israel ɔse’n loo taa kebe ke get nè nga pat nal lé.

1 Pierre 1:8

Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.

1 Pierre 2:4

Agi ngɔr ke ra Kuwe-ɓee Jésu ke è kuberi her ke kumgajer. Kuberi her ke kumgajer nè nga, dooge mbati nin, nè gate’n è ngain tàkum Nube’t á è ɔr’n unde’n gai.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.