1 Pierre 2:24 - Nouveau Testament en Gulay 2004

²⁴ Krist nga oto majelége le jéi dènn’t aw’n weii’n kade kage-ke-dese’t tede kade j’ebi ra jéi dè ra majelége’t le jéi le teli ndii kumgajer ɔje dè nyanra ke se dè naje’n. Takul dòge ke è inge rann’t á j’aji.

1 Pierre 2:24 ပူးပေါင်းရင်းမြစ်များ

Matthieu 27:26

Titeke bè Pilate ɔr Barabbas inye’n dɔ ade de. Nè Jésu ɓaa, ade d’unde’n se ndêin maru dàp-dàp ɓita ule’n ji de’t le kade d’aw se’n dé ɓer’n kàde kage-ke-dese’t ɓai.

Matthieu 5:20

Kerɔte kuwe,man m’ede sei ndàt, ke nè á nyanra si ke se dè naje’n dum dè le njéndang-magtubge se pharisienge lé ɓaa, sei a kilei nja si kêm Konɓee ke danrán nga ndan lé.

Matthieu 8:17

Tà ke Esaie njèribe-dè-tà ke tà Nube’t tam kété mari ede nè: «E kuwe á taa yaige se raturge le jéi um dènn’t.»Tà nè nga aw loon’t deĵ.

Marc 15:15

Pilate ndige le kade ra doobulege nel de. Gir’n ke nè á è ɔr’n Barabbas inye’n dɔ. E ade njérɔge undei Jésu se ndêin maru pa ɓita ule’n ji de’t le kade awi se’n ɓeri nin kàde kage-ke-dese’t ɓai.

Tà ke Maje ke Luc ndang 4:18

– «Ndil Kuwe-ɓee nain se’m. Kuwe-ɓee ɔr’m le kade m’ile mber Tà ke Maje m’ade njéndooge. E ule’m le kade m’ile mber m’ade njé ke tooi dangai’t titeke d’a d’inye de dɔ a, le kade m’ede njékumtɔge titeke d’a tel kan loo gugu a, è ule’m le kade m’ede njé ke dé ra de ndoo titeke Nube à taa de kinye de dɔ ɓai a,

Jean 1:29

Barè lookar’n, loo ke Jean an Jesu à ree ke rann’t ɓaa, è tam ede nè: – An-in! Ngonn Bate le Nube ke njèkɔr kaiya dè dooge’t dè nang nè nga.

Jean 19:1

Pilate unn ndu’n ade d’aw se Jésu d’unde’n se ndêin maru.

Nyanra Njekawkulege 10:35

Nè se kêm ɓeekonge karé-karé malang nga, nanan ke ɓel’n Ndil Nube, ra nyan se dè naje’n ɓaa, doo nè taa kum’n kuwe.

Nyanra Njekawkulege 10:39

Nyan malang ke ndɔ ke Jésu ra kêm ɓeekon le Juipge se kêm ɓee-bò ke Jérusalem nga, jè jè njékɔrgo tànnge. E Juipge ke Jérusalem á ndɔ ke ɓeri nin kade kage-ke-dese’t tɔli nin.

Nyanra Njekawkulege 13:29

Loo ke dé ra se Jésu nyange malang ke dé ndang kêm Magtubge’t d’ɔje’n dè’n ɓá ɓaa, d’ɔr ninn’n kade kage-ke-dese’t d’aw’n dé dubu be-ɓade’t.

Nyanra Njekawkulege 5:30

Jésu ke sei adi dé ɓer’n kàde kage’t dé tɔl’n nga, Nube le kà jéige ade unde loo tee dann njé ke koo’t kɔke.

Nje Ke Rome 6:11

Bè ɓaa, sei géa an-in ra si ke ninn dooge ɔje dè kaiya, nè an-in ra si ke dooge ke teli ndii kumgajer tede le Nube takul kum ke umi nan’t bɔk se Jésu-Krist.

Nje Ke Rome 6:13

Inyei balkum ra sige adi ei nyan ra kule le nyan ra ke majelé nga lé. Nè tà le kade sei ke i tooi asinan se dooge ke undei loo teei dann njé ke koo’t teli ndii kumgajer bè. Inyei ra si sei kuwe bere mbak adi Nube ke nyan ra kule ke maje.

Nje Ke Rome 6:16

Sei geri mbak: titeke nè á sei kuwe i rai ra si ɓer le kile koje dè doo karé’t ɓaa, sei ɓerge le doo nè nga kuwe. Doo ke ilei koje dènn’t nga è kuwe si. Ke nè á i rai ra si ɓer le kaiya ɓaa, kaiya à um sei tà yo’t. Ke né á i rai ra si ɓer le Nube ɓaa, Nube à ɔr tà dè si’t tede koje ke ilei dènn’t.

Nje Ke Rome 6:2

Jèi nga, jèi dooge ke j’ebi ra jéi dè ra majelé’t: à ɓaa, ké j’à teli kulei ra jéi dann majelé’t mbiriri titeke bain taɓai wa?

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Nje Ke Rome 6:7

Tede doo ke wei nga tà kaiya ɔr dènn’t ɓá ta.

Nje Ke Rome 7:6

Kété gute-ndu uwe jèi ɓer. Nè ɗarinè, dé taa jèi ji gute-ndu’t d’ade jè ndii dè jéi pal. Bè ɓaa, ɗarinè j’asikum rai kule kade Nube se go rebe ke kige le Ndil-Kêmnda m se go rebe ke mari ke gute-ndu ke Moise ndang ɔje nga lé ta.

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

2 Nje Ke Corinthe 6:17

Gir’n ke nè á Kuwe-ɓee tam’n ede nè: «Undei loo i teei dann de’t kɔke i ndii gai, ɔdi ra nyan ke mine lé ɓaa, m’a m’uwe sei ke ram’t.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

Nje Ke Ephese 5:9

Nyanrage le lookar nga á tooi nè: kem̂-maje ke se ri’n ri’n a, nyanra ke se dè naje’n a, se ngarankum tà a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Colosses 2:14

Nube tuju magtub gute-ndu ke njè kile tà dè jéi’t nga ndát-ndát kɔke. Magtub nè ile tà dè jéi’t ɔje dè ndukunnge ke j’asi rai nyan’n tɔli mbas lé. Magtub ke njè kile tà dè jéi’t nga Krist aw se’n ɓer’n kàde kage-ke-dese’t tuju’n kɔke.

Nje Ke Colosses 2:20

Ke nè á sei weii se Krist nan’t kerɔte ɓaa, sei ɔri ra si kɔke dann nyan-ndóge’t ke ɔje dè dooge ke dè nang nè ɓá. Ké bain taɓai sei i teli i rai ɓer le ndukunnge nè nga titeke ndikumgajer le si tò ɔje dè nang nè ɓai wa?

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Hebreuge 10:10

Jésu-Krist ra nyan ke kem̂ Nube ndige. E inye danra’n ade dé tɔl nja karé bere luk-luk ke ngang’n. Gir’n ke nè á è ɔr’n se-kaiyage ra jéi’t kɔke tel’n jèi dooge ke tooi se ninn de ta.

Hebreuge 10:5

Gir’n ke nè á loo ke Krist ayé ree dè nang nè nga, è ede Nube ede nè: «I ndige nyankuje-mese se nyan kade noje lé, nè i unde danra’m.

Hebreuge 12:13

I rai rebege ke ndai danné sêw i njiyei tutu, tede kade njèmete tel njiye maje tá m kade ɔse rebe pat nal lé.

Hebreuge 7:26

Jésu nga è maw njèkuje nyan-mese ke j’awi ndoo’n. E tò se ninn’n gai, tà karé géa uwe dè’n lé a, nyan ke mine karé géa ɓar ri’n lé a tɔ. E ɔr ra’n ndi mbeng se njé ra majelége a, Nube unn’n unde’n dɔ mbeng dè nyange’t malang a tɔ.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

1 Jean 3:7

Ngannge, adi doo karé sú sei lé. Nanan ke ra nyan ke se dè naje’n se ndɔ’n-ndɔ’n ɓaa, è njè ra nyan se dè naje’n titeke Krist ee’n njè ra nyan se dè naje’n bè tɔ.

Lookilera’n 22:2

Mann ba nè ule dann ndá-loo ke kem̂ ɓee-bò’t nè nga. Kage karé ke d’use dé ndii’n kumgajer nda dè kong ba’t ke nú’t a, ke nè’t a tɔ. Kage nè nga ann nja dɔg-gidé-joo kem̂ ɓal karé, nan karé ɓaa ann nja karé tɔ. Mbi kage nè nga è kuge kɔr ratur ra girkoje kosdooge se dè ɓee-dè ɓee.