1 Pierre 2:17 - Nouveau Testament en Gulay 2004

¹⁷ Ilei riɓar dè dooge’t malang. I tári ngakon sige ke njétaakem̂-Kristge malang. I ɓeli ndil Nube a, ilei riɓar dè ngar’t a tɔ.

1 Pierre 2:17 ပူးပေါင်းရင်းမြစ်များ

Matthieu 22:21

Dé tel d’ile’n dè’t d’ede nè: – Dè doo nè nga, è dè ngar ke bò César a, ri doo nè nga géa è ri César a tɔ. Jésu tel ede de ede nè: – Adi César nyan ke ɔje dè’n a, nyan ke ɔje dè Nube ɓaa, adii a tɔ.

Jean 13:35

Ke nè á i tári nan ɓaa, dooge malang à geri sei ke njékuwe-girmge kerɔte.

Nje Ke Rome 12:10

I tári nan tite ngakon nange bè se kêmnda káng. Ilei riɓar dè njé ke rang’t adi dum dè riɓar le si sei.

Nje Ke Rome 13:7

Nanan géa adii nyan ke ɔje dè’n-dè’n: Adi tir njètaa tir; adi njè dè nang, nyan dè nang; ilei koje dè doo ke asekum kade ilei koje dènn’t; ilei riɓar dè doo ke asekum kade ilei riɓar dènn’t a tɔ.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Ephese 5:21

Ulei dè si adi nan tede ɓel ke i ɓeli Ndil Krist nga.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

1 Timothee 6:1

Dooge malang ke ndii se kule ɓer kɔbe de’t ɓai nga, maje kade ilei koje ke deri dè kuwe dege’t se kem̂nda káng. Titeke bè á doo karé bè géa à nede’n ri Nube éké nyan ke jè ndó dooge nga lé a tɔ.

Hebreuge 13:1

I tári nan se ndɔge malang tite ngakon nange bè m ebi’t lé.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 2:13

Ulei dè si adi njékon sige malang ke dooge d’unde de dè si’t tite ngar-ɓeege éké njékonɓeege ke bò tede le Kuwe-ɓee.

1 Pierre 5:5

Sei basage géa, maje kade ulei dè si adi ngatɔgege. Maje kade sei malang i rai ra si ke ngann njékulege le nan tede Nube ute njé ti rage mbeng, nè è uwe noje se njé kule dè dege.