1 Pierre 2:16 - Nouveau Testament en Gulay 2004

¹⁶ I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.

1 Pierre 2:16 ပူးပေါင်းရင်းမြစ်များ

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Jean 15:22

Ke nè á kété m’ree lé a, m’ede de tà lé a tɔ ɓaa, né tà kaiya à ɔr dè de’t. Nè ɗarinè, loo kede gos dè kaiya’t le de goto ta.

Nje Ke Rome 6:18

Ɗarinè, d’ɔr sei ɓee ɓer’t le kaiya d’ade i ndii dè si pal le kade sei ɓerge le nyanra ke se dè naje’n ta.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

1 Nje Ke Corinthe 7:22

Doo ke è ɓer kété pa ɓita Kuwe-ɓee ɓar’n nga, tel è doo le Kuwe-ɓee ke ndi dè’n pal. Doo ke ndi dè’n pal kété pa ɓita Kuwe-ɓee ɓar’n nga tel è ɓer le Krist tɔ.

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

Nje Ke Galatie 5:13

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

Nje Ke Ephese 6:6

I rai tede tàkum de éké le taa’n kum dooge karè lé. Nè i rai kule se kem̂nda káng tite ɓerge le Krist ke rai nyan ke kem̂ Nube ndige.

Nje Ke Colosses 3:24

Sei geri mbak titeke Kuwe-ɓee à unde nja si a, a ingei nyan-ndube ke è unde konn tede le njé ke le’n. Kuwe si è Krist, è è á i rai kule adi nin.

1 Nje Ke Thessalonique 2:5

Sei geri titeke ndɔ karé bè géa, jè tam tà jè libe’n kum doo le taa’n nyan le’n ndan lé a, j’ede gos le taa’n nar le doo le kite’n dènn’t lé a tɔ. Nube an mbak.

Jacques 1:25

Nè doo ke ter gute-ndu ke maje ɔr njêt ke njè kade jè ndii dè jéi pal nga, nda dè’t njáng ra nyan’n, oo ade kem̂’n wei nal sêl dè’t lé ɓaa, doo nè nga ra’n à nel’n dè kule rann’t kuwe.

Jacques 2:12

Bè ɓaa, i tami tà á in-in i rai nyan’n a tɔ. Sei sei dooge ke d’a gangtà dè si’t se go gute-ndu ke ade i ndii dè si pal nga gar-gar.

2 Pierre 2:19

Dé dooge nè nga, d’unn ndu de d’ade njé ke ɔri ra de dann njé ndemge’t ngɔr nè ɓai nga, d’ede de titeke n’a n’adi à ndii dè de pal. Nè dé kuwe géa, dé ɓerge le nyange ke à tuji de. Kerɔte kuwe, nanan géa è ɓer le nyan ke dum dè’n.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.