1 Pierre 2:15 - Nouveau Testament en Gulay 2004

¹⁵ Nube ndige kade i rai nyange ke maje tede kade uwei tà njé kem̂ tɔ kuju tà lége dè tàge ke tami se si dè mbe’t nga.

1 Pierre 2:15 ပူးပေါင်းရင်းမြစ်များ

Matthieu 25:2

Njé ke mige dann de’t ei njé kêm tɔ kuju tà lége a, njé ke mige ei ke gangi tchatge a tɔ.

Matthieu 7:26

Nè doo ke rara ke ree ram’t oo tàge le’m á ra nyan’n lé ɓaa, tò asenan se doo ke njè kêm tɔ kuju tà lé ke unde gir kei le’n dè nyeenger’t bè.

Nje Ke Rome 1:21

Tede ei geri Nube mbak kuwe, nè ilei riɓar dènn’t lé a, rai nin oiyo lé a tɔ. Nè né è bè géa, kile riɓar dè Nube’t a, ra’n oiyo a tɔ nga, ei nyange ke tuwe’n ɗêw kuwe. Kêm tɔ kuje tà lé urkei kêm ɓengre de’t ade tàgirge le de è ke raikarè. Gir’n ke nè á dé ndem’n d’ur’n dann tilkus’t.

Nje Ke Galatie 3:1

Hai! sei njé kem̂ tɔ kuju tàge lé ke i ndii kem̂ ɓeekon ke Galatie. Ké nan yêl sei bè wa? Sei nga d’ɔrgir tà le Jésu-Krist ke dé ɓer’n kade kage-ke-dese’t d’ade tò nata ndái-ndái tàkum si’t.

1 Nje Ke Thessalonique 4:3

Nyan ke taa kum Nube nga è le kade ra si unju nyang-nyang a, le kade ɔgi ra si dè tò se nan ke kaiya’t a tɔ.

1 Nje Ke Thessalonique 5:18

I rai Nube oiyo dè nyange’t malang. E á è nyan ke Nube ndige le kade sei ke umi nan’t bɔk se Jésu-Krist i rai.

1 Timothee 1:13

Man nga, kété m’ee njè kile rasɔl dè rinn’t a, m’ee njè kɔr’n kororoi se njè taje’n a tɔ. Nè Nube ra se’m kem̂kanm tede nyan ke m’ra kété nga, m’ra dè mbe’t nal kundekem̂ dè Krist’t.

Tite 2:8

I ndó de ngarankum tà ke maje unju nyang-nyang ke doo ase mbate lé. I ra bè le kade ra njé kɔse sei tàge sɔl’n de. Titeke bè á njé kɔse sei tàge à ingei tà ke majelé karé bè ke le kilei dè jéi’t lé.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 3:17

E soo’t kade nyankem̂kon rai ɔje dè nyanrai ke maje. E ke nè á è nyan ke kem̂ Nube ndige dum kade nyankem̂kon rai ɔje dè nyanrai ke majelé.

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

2 Pierre 2:12

Dé dooge nè nga, dé ra nyan nal gir tite dange ke dé ndon ɓaa, d’uwe de se gum a, dé tɔl a tɔ bè. Nyan ke dé gir njai lé géa, d’in dé tam tà ke majelé dè’t. Yo de à tò tite le dange ke walé bè tɔ.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.