1 Pierre 2:12 - Nouveau Testament en Gulay 2004

¹² Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:12 ပူးပေါင်းရင်းမြစ်များ

Matthieu 10:25

Maje kade njèndó nyan è tite njèndó’n nyan bè a, maje kade ngonn njèndi è tite kuwe’n bè a tɔ. Ke nè á d’ile ri-tɔi kuwe-kei d’ede nè: Ngar le ndilge ke majelé ɓaa, ké njékêmkeige le’n nga d’a t’ile ri de dum le’n è ɓai lé wa? Kuwe-kei géa á dé ɓar’n Ngar le ndilge ke majelé nè a njékêmkeige le’n tá ɓai wa?

Matthieu 5:11

Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Tà ke Maje ke Luc ndang 1:68

– Kuwe-ɓee Nube le kosdooge ke Israel nga, maje kade dooge malang ilei riɓar dènn’t. Tede è ree din jéi balkum kosdooge le’n ke uge dè jéi.

Tà ke Maje ke Luc ndang 19:44

D’a d’ide sei nduju reend-reend a, d’ade tɔse kuberi herge ke undei keige palang-palang tɔr kɔke m karé bè géa à nain dè made’t dɔ lé. D’a ra sei titeke bè tede din ke Nube din sei nga kum si gang dè’t lé sár.

Tà ke Maje ke Luc ndang 6:22

Ke nè á dooge ɔri sei njêt a, dé mbate sei a, dé taje sei a, se d’an sei ke dooge ke majelé tede k’ee ke sei njékuwe-gir’m man ke m’ee Ngonn doo nga ɓaa, adi ra si nel sei!

Jean 13:31

Loo ke Judas unde loo tee nata ɓá ɓaa, Jésu tam ede nè: – Ɗarinè d’ule ndubra dè’m man Ngonn doo’t ɓá ta. Nube géa d’ule ndubra dènn’t takul’m man Ngonn doo a tɔ.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nyanra Njekawkulege 24:13

Dooge nè nga asikum kɔri gir nyan ke get ke ilei tà dèm’t nga lé.

Nyanra Njekawkulege 25:7

Loo ke Paul ree tee pan ɓaa, Juipge ke in-in Jérusalem an-in dè’n girm. Ei têti tàge gai-gai ke tooi ɓel undei tànn’t. Nè è tàge ke se dè naje’n lé kuwe malang.

Nyanra Njekawkulege 28:22

Nè maje ngain le kade i kuwe ɔrgir tà nè nga se tài ade j’oo. Oiyo, tà ke ɔje dè Jésu, doo nyan le doo nè nga ɓaa, jè ger titeke dooge utei nin mbeng se loo malang.

Nje Ke Rome 12:17

Ke nè á doo ra sei majelé ɓaa, i tel i ra se’n majelé gute made’t lé. I sangi rebe le ra nyan ke maje tàkum dooge’t malang.

Nje Ke Rome 13:13

Ade jè njiyei danné sêw tite doo ke njiye dann kada bè. Ebi ra si dè k’ee doo nyankuse se doo nyankain. Ebi ra si dè tò se nan ke kaiya’t se dè nyanrage ke pás-pàs a, dè kɔl nan’t se dè ra jang’t a tɔ.

Nje Ke Rome 14:18

Doo ke ra kule ade Krist titeke bè nga taa kum Nube a, dooge malang d’a taa kêm’n a tɔ.

Nje Ke Rome 15:9

Krist ra titeke bè le kade njé ke ei Juipge lé ilei riɓar dè Nube’t tede kêmkanm ke è ra se de. Dé ndang kêm Magtub’t le Nube d’ede nè: «Gir’n ke nè á m’a m’ɗɔii dann dooge ke ei Juipge lé a, m’a kɔse pa kile’n riɓar dè ri’t a tɔ.»

1 Nje Ke Corinthe 14:25

Tàgirge le’n ke dè ɓengrenn’t tooi nata ndái-ndái tàkumn’t. Titeke bè á doo nè nga à ɗêl’n dè’n le ɗɔi’n Nube kede nè: «Nube è dann si’t kerɔte kuwe.»

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

2 Nje Ke Corinthe 13:7

Nè jè deje Nube kade inye sei ade i rai majelé karé bè géa lé. Jè ra titeke bè tede tɔje’n sei titeke jè dooge ke j’ase tàkum Nube’t lé. Né jè dooge ke j’ase lé géa, nyan karé ke jè ndinge ɓaa, è le kade nyanra si è ke maje tàkum Nube’t.

2 Nje Ke Corinthe 8:21

Jè gir kêm jé’t le ra nyan ke maje tàkum Nube’t á se kar’n lé, nè jè gir kêm jé’t le ra nyan ke maje tàkum dooge’t tɔ.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 4:22

inyei go nyanra sige ke mari nga kɔke ta. Nyanra sige ke mari nga uwei ɔri de ra si’t tite kubu ra ndis bè. Sei nga kété ngur libe kum dooge ke rusu kem̂ si njin-njin tuju sei.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

1 Nje Ke Thessalonique 4:12

I rai titeke bè le kade njé ke natage ilei koje dè si’t a, le kade sei awi ndoo nyan ji doo karé ke rang’t lé a tɔ.

1 Timothee 2:2

Ɔji tà se Nube tede ngar-ɓeege, tede le njé ke tɔge konɓee è ji de’t tede kade jè ndii jêke^ se kem̂lom dè kile koje dè Nube’t. Titeke bè á j’à ra’n nyange gai-gai ke maje.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

Hebreuge 13:18

Ɔji tà se Nube ngain tede le jé. Kerɔte kuwe, jè ger mbak titeke tàgir le jé ke kem̂ jé’t nga unju nyang-nyang. Taɓai jè ndige kade pa njiye jé maje se ndɔge-ndɔge.

Hebreuge 13:5

Adi ngur nar ule aljem̂ tà si’t uwe’n sei ɓer lé. I rai ranel dè nyan ke tò ji si’t tede Nube kuwe tam ndàt nè: «M’a m’inyei sengel lé a, m’a m’inye gooi ndan lé a tɔ.»

Jacques 3:13

Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.

1 Pierre 2:15

Nube ndige kade i rai nyange ke maje tede kade uwei tà njé kem̂ tɔ kuju tà lége dè tàge ke tami se si dè mbe’t nga.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.