1 Pierre 2:11 - Nouveau Testament en Gulay 2004

¹¹ Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

1 Pierre 2:11 ပူးပေါင်းရင်းမြစ်များ

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Nyanra Njekawkulege 15:20

Nè adi jè ndangi magtub j’adi de le kade d’ɔge ra de dè nyange ke mine ke dé gugu’n magege a, se dè tò se nan ke kaiya’t a, se dè dange ke mbir kɔbe de a, éké dè mese dange’t a tɔ.

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nje Ke Rome 12:1

Ngakonmge, Nube ra se jéi kêmkanm ke bò. Gir’n ke nè á m’ndeje’n sei le kade unni ra si bere adi Nube ke nyankuje-mese ke tò kumgajer ke ɔje dè Nube a, ke taa kum’n a tɔ. E ke nè á è nyan kunn ke gete ke uwe made nan se tà le Nube.

Nje Ke Rome 7:23

Nè m’an titeke gute-ndu karé ke rang ndi ra kule ram’t. Gute-ndu nè nga ndi à rɔ se gute-ndu ke ɓengre’m ke kei um nan’t se’n. Gute-ndu karé ke rang ke ndi à rɔ se’m nga on ɓee dèm’t ade m’ee ɓer le majelé ke ndi kêm’t nga.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 2:19

Gir’n ke nè á ɗarinè sei dooge ke dɔ éké sei njé namge lé ta. Nè sei teli sei dooge ke i tooi se ninn de nan’t se ngann njéɓeege ta. Sei teli sei dooge ke koje kei káráng le Nube.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

2 Timothee 2:22

Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

Hebreuge 11:13

Dooge nè nga undei kem̂ de dè Nube’t sár weii anje kingei nyan ke ndɔ ke Nube unn’n ndu’n le kade de nga. Nè né è bè géa, ei an-in nyange nè nga se go ngal’n rai oiyo Nube. Ei tami ndàt edi nè: «N’ee n’ei mbage ke n’uwei nanm dè nang nè karè.»

Hebreuge 6:9

Kotárge le jé, ke nè á jè tam tàge nè nga bè géa, jè ger kem̂ jé’t mbak titeke sei umi nja si rebe ke maje ke à tee se si dè kaje’t.

Jacques 4:1

Kɔl nan se tin nan le si nga, ké i geri loo ke in-in tutu wa? Kɔl nan se tin nan le si nga in-in ra ngur nyange’t le danra si sei’t á ndii à rɔi se si.

1 Pierre 1:1

Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.

1 Pierre 1:17

Nube ke njè ndête kum doo lé nga á ke njègangtà dè nanan géa se go kule ra’n-ra’n nga, sei ɓari nin Bɔ si. Bè ɓaa, i ɓeli ndil’n loo ke sei i nain-in ke mbage bè dè nang nè ɓai.

1 Pierre 4:12

Kotárge le’m, nyan ke tee dè si’t asenan se por ke on bilm-bilm bè nga, an-in ke nyankɔbe ke tee dè si’t pan lé. E nyan ke tee le nan kundekem̂ le si.

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.