1 Pierre 2:1 - Nouveau Testament en Gulay 2004

¹ Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.

1 Pierre 2:1 ပူးပေါင်းရင်းမြစ်များ

Matthieu 15:7

Sei njékede gosge! Tà ke Esaie tam kété mari ɔje’n dè si ede nè:

Matthieu 23:28

Sei géa, è titeke bè tɔ. Sei rai ra si ke njé ra nyan se dè najennge tàkum dooge’t, nè kede gos se nyan ra bann-bann rusu kêm si njin-njin.

Matthieu 24:51

Kuwe’n à rɔ’n kɔke a, à kade aw loo ndi’t le njékede gosge. E loo ke ndɔn’t dooge à non-in jik-jik tutu a, à ton-in tà de vbat-vbat tutu a tɔ.

Matthieu 7:5

I njèkede gos, ɔr maman kage ke tò kumi’t kuwe kété ɓita a an loo njai le kɔr’n bum walè ke tò kum ngokoin’t ɓai.

Marc 12:15

Nè Jésu ger kede gos le de mbak ɓaa, è deje de ede nè: – Ké bain á ulei kêm’m wa? E ede de ede nè: – I reei se nar kule ke ndɔ karé nga adi man!

Tà ke Maje ke Luc ndang 11:44

Sei nga a an-in ɓai! Tede i tooi asinan se dè ɓade ke loo ke dooge an-in lé njiyei dè’t nal ger.

Tà ke Maje ke Luc ndang 12:1

Kêm ndɔn’t nè nga, doobulege kebi nan ra Jésu’t se mate de-mate de asi aru dɔg loo bule. Dé njin nan rann’t njàng-njàng ade nain ngɔr kade dé tube nan nang mbajer-mbajer. Jésu unn gir kede njékuwe-girnge kuwe tà kété ede nè: – Kêm si dè ra si’t le kade sei njékede gos tite Pharisienge bè lé.

Tà ke Maje ke Luc ndang 6:42

Ké asekum kede ngokoin kede nè: «Ngokon’m, inye’m ade m’ɔr walè ke tò kumi’t», nal kade kêmi olé dè maman kage ke tò kumi’t titeke bain wa? I njèkede gos, ɔr maman kage ke tò kumi’t pa ɓita asekum kan loo njai le kɔr’n bum walè ke tò kum ngokoin’t nga ɓai.

Jean 1:47

Loo ke Jésu an Nathanael à ree ke rann’t ɓaa, è tam tà ɔje’n dè’n ede nè: – An! ngonnkà Israel ke è ngarankum doo nga. E njè sú kum loo lé.

Nje Ke Rome 1:29

Nyanrage ke se dè naje’n lé gai-gai se kêmyêr, se kêmkein, se kêm majelé rusu kêm de njin-njin. Ngur tɔl doo, se tɔl nan, se tà sú kum nan, se nyanra ke majelé rusu kêm de njin-njin.

1 Nje Ke Corinthe 14:20

Ngakonmge, i teli ngannge ɔje dè gangtà nga lé. I teli ngannge ɔje dè majelé nè maje kade sei dooge ke tɔge káng-káng ɔje dè gangtà.

1 Nje Ke Corinthe 5:8

Titeke bè, ade jè rai nan Paque le jéi nga se kêmyêr éké se kêm ke mine ke tooi asinan se pululu ke mari nga lé ta. Nè ade jè rai nan Paque le jéi nga se kêm jéi ke unju nyang-nyang a, se ngarankum tà a tɔ. Kêm ke unju nyang-nyang a, ngarankum tà a tɔ nga, tooi asinan se nduju ke kige ke anje pululu.

2 Nje Ke Corinthe 12:20

M’ɓel kêm’t tede bainléa loo ke m’a m’aw ra si’t nga, m’a m’inge sei dè nyanra ke kêm’m ndige lé’t. Sei géa, bainléa a ingei man dè nyange ke kêm si ndige’t lé nga a tɔ. Man ɓel kêm’t m’ede nè bainléa m’a kaw kinge sei dè kɔl nan’t, dè ra jang’t, dè ra wong’t, dè kaw se nan se tà, dè tam tede nan, dè ti ra’t, dè tà kede yer éké dè sule nan dè tà’t a tɔ.

Nje Ke Ephese 4:31

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

1 Nje Ke Thessalonique 2:3

Tà ke j’ede dooge jè ndeje’n de nga tò gai. Tà nè nga j’unde gir’n dè tà ke à ur se doo walé lé a, j’unde gir’n dè tàgir ke majelé’t lé a, jè sang le libe kum doo karé taa’n nyan le’n ndan lé a tɔ.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.

Jacques 1:21

Gir’n ke nè á ɔri ra si kɔke dann nyan ke mine’t bere mbak se gute nyange ke rang ke majelé. I taai Tà ke Maje ke Nube dubu ɓengre si’t se ngonn koje. Tà nè nga ase kaje ngarankum ra si.

Jacques 3:14

Ke nè á ra jang éké nin se naje nan tà rusu ɓengre si njin-njin ɓaa, i ti ra si dè kumkunju’t le si i tami tà lanm utei ngarankum tà nga mbeng lé.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

Jacques 4:5

Tà ke dé ndang kem̂ Magtub’t d’ede nè: «Kebe ke Nube ade urkei kem̂ jéi’t nga, ngur konɓee dènn’t ra Nube pênn-pênn. Ké sei giri titeke Magtub tam tà nè nga kenon-non karè wa?

Jacques 5:9

Ngakonmge, ke nè á i ndigi kade Nube gangtà dè si’t lé ɓaa ebi ra si kim nan. An-in! njègangtà nga in nda dɔ tàbit kei’t ɓá ta.

1 Pierre 2:16

I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.

1 Pierre 2:22

Loo naje’n goto. Krist nga ndɔ ke ra kaiya karé bè lé a, tà libe kum doo tee tànn’t ndɔ karé bè lé a tɔ.

1 Pierre 3:10

Magtub ke tò se ninn’n tam ede nè: «Doo ke ndige le ndi lom a, ndige le kan ndɔge ke maje ɓaa, maje kade ebe ra’n dè tà ke majelé’t a, dè tà libe kum dooge’t a tɔ.»

1 Pierre 4:2

E ebe ra’n dè ra majelé tede le ra nyange ke kem̂ dooge ndige nga ndan lé, nè le ra nyan ke kem̂ Nube á ndige loo ke è ndii’n kumgajer dè nang nè ɓai.

1 Pierre 4:4

Kebe ke sei ebi ra si dè ra nyange ke pás-pàs nan’t se njé ke geri Nube lé nga, ɗarinè an-in ke nyankɔbe. Gir’n ke nè á ei unni gir taji sei mbɔk-mbɔk.

Lookilera’n 14:5

Tà lanm tee tà de’t ndɔ karé bè lé. Dé njé ra nyan se dè najennge m doo ile tà dè de’t nja karé bè géa lé.