8 Jésu-Krist nga, sei an-in nin lé ɓai nè sei tári nin. Ɗarinè sei an-in nin lé ɓai nè sei undei kem̂i si dènn’t a tɔ. Gir’n ke nè á sei ndii dann bò ranel ke maje ɔr njêt’t.
Nanan ke ndige bɔ’n éké kon’n tá dum’m man ɓaa, è asekum k’ee le’m man lé. Nanan ke ndige ngonn’n ke dingem éké ke dinye tá dum’m man ɓaa, asekum k’ee le’m man lé.
Doo ke aw se ndukunnge le’m an dè de sêw-sêw ɓaa, è nè nga tár’m kerɔte. Nanan ke tár’m ɓaa, Bɔ’m à tár’n tɔ. Nanan ke tár’m ɓaa, man géa m’a m’tár’n a, m’a m’ɔrgir ra’m kade ger’m njai a tɔ.
Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.
Jésu ede de ede nè: – Ke nè á Nube è Bɔ si kerɔte ɓaa, né ayé tári man tede man m’in ra Nube’t á m’ree. E man kuwe m’in se dè’m m’ree lé, è è á ule’m ra si’t.
Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.
Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.
Dingem nè nga, Nube uwe’n ɔr’n wont aw se’n Paradis, loo ke maje’t. E loo’n nè á doo nè oo’n tàge ke dé tam nga. Nè è tàge d’inye loo d’ade doo-ndul le kade ɔrgir ndan lé.
Nyan ke doo an se kum’n á j’an-in ngɔde j’ɔje’n dè lé. Nè j’orè kum jé dè nyange ke doo asekum kan se kum’n lé. Tede nyange ke doo an se kum’n nga, ei nyange ke kò de à tò mbɔr lé. Nè nyange ke doo asekum kan se kum’n lé nga, ei nyange ke à tooi sár se non.
Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.
M’ger kem̂’t mbak titeke m’a m’ndi se si, m’a m’ra ɓee se si malang dè nang nè mbɔr ɓai, tede le kade awi kum si ke kété-kété a, le kade ingei ranel dè kundekem̂’t le si a tɔ.
Kundekem̂ nga, è nyan ke doo unde kem̂’n dè’t tchên. Kundekem̂ nga, è nyan ke doo an se kum’n lé ɓai nè è um kem̂’n dè’t bɔk-bɔk titeke è inge nyan nè nga ɓá bè.
Moise unde kem̂’n dè Nube’t á ndɔ ke è inye’n ɓeekon ke Egypte nal ɓel wong ke ayé ra ngar dènn’t. E nda dè njann’t njáng titeke an Nube ke dookunde le’n ase kan’n se kum’n lé nga ɓá bè.
Kuberi her nè nga è riɓar tede le si sei njétaakem̂-Kristge. Nè njé ke ei njétaakem̂-Kristge lé ɓaa «Kuberi her ke gate’n è ngain ke njékunde keige mbati nin nga, tel è kuberi her ke njè mong dè kum kei.»