Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pierre 1:7 - Nouveau Testament en Gulay 2004

7 Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

အခန်းကိုကြည့်ပါ။ ကော်ပီ




1 Pierre 1:7
53 ပူးပေါင်းရင်းမြစ်များ  

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.


Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»


Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»


Igi nyankingege le si, inyei nar’n uwei noje se njéndooge. Uri mbu narge ke à ndis lé. I kebi nyanbawge ke à tò sár se non danrán. E loo ke njéɓog-ge à teei tutu lé a, gide à unde nyan tutu tuju’n lé a tɔ.


Ndɔ ke man ke m’ee Ngonn doo m’a m’ndubra’m ke nata nga géa à è titeke bè tɔ.


Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.


Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?


Nè Pierre ede Simon nè nga ede nè: – Maje kade nar lei udu sei nan’t bere mbak, tede i gir kêmi’t le kinge nyan-noje le Nube nga se nar.


Nè dooge malang ke rai nyange ke maje nga, Nube à ade de ndubra a, riɓar a, kêmlom a tɔ. Nube à ade nyange nè nga Juipge kété pa ɓita à ade njé ke ei Juipge lé ɓai.


Nè ngarankum Juip nga è Juip ke kêm doo’t kei a, ngarankum kuje tà mɔte nga è kuje tà mɔte ke dè ɓengre doo’t. Kuje tà mɔte ke dè ɓengre’t nga in ra Ndil Nube m in ra gute-ndu ke dé ndang’t nga lé. Juip ke get nè nga inge pite ra dooge’t lé nè ra Nube’t.


Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.


Nyankundege malang ndii kerm nginei ndubra le ngann Nube ke ndɔn’t Nube à ade à kile ra’n ke nata.


ndɔ tel ree le Kuwe-ɓee à kuje gir kule ra nanan géa ke nata ndái-ndái ɓai. Ndɔ tel ree le Kuwe-ɓee Jésu nga tò asenan se por ke à nan kule ra nanan géa le kan.


Gir’n ke nè á maje kade i gangi tà dè doo’t se ndáng karè kété anje ndɔ tel ree’t le Kuwe-ɓee lé. I nginei sár adi Kuwe-ɓee kuwe tel ree pa ɓita. E è á à ade loo ar dè nyange ke tooi loo ɓoyɔn’t ɗarinè dann tilkus’t nga. Nyange ke dooge ɔji dè ɓengre de’t le rai se go ngein ɓai nga, Kuwe-ɓee à ribe dè ke nata tàkum kosge’t malang. Ndɔ’n nè nga, nanan géa Nube à pite’n ɔje dè nyan ra’n-ra’n.


Doo ke oré tà’n njak dè nyange ke nann’t ɓaa, ra’n à nel’n. Doo ke orè tà’n njak dè nyange ke nan-in nin ɓaa à inge jɔkɔ kunn banga le ndii’n kumgajer. Jɔkɔ kunn banga nga, ndɔ ke Nube unn’n ndu’n le kade njé ke tárii.


Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.


Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.


Agi ngɔr ke ra Kuwe-ɓee Jésu ke è kuberi her ke kumgajer. Kuberi her ke kumgajer nè nga, dooge mbati nin, nè gate’n è ngain tàkum Nube’t á è ɔr’n unde’n gai.


Kuberi her nè nga è riɓar tede le si sei njétaakem̂-Kristge. Nè njé ke ei njétaakem̂-Kristge lé ɓaa «Kuberi her ke gate’n è ngain ke njékunde keige mbati nin nga, tel è kuberi her ke njè mong dè kum kei.»


Kotárge le’m, nyan ke tee dè si’t asenan se por ke on bilm-bilm bè nga, an-in ke nyankɔbe ke tee dè si’t pan lé. E nyan ke tee le nan kundekem̂ le si.


Nè maje kade i rai ranel tede korè ke sei oréi nan se Krist dè nyankem̂konge ke ra’n. Ndɔ ke Krist à tel ree dann ndubra le’n tàkum dooge’t malang ɓaa, sei géa a ali ra si tɔ.


M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.


Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.


Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.


Gir’n ke nè á, kotárge le’m, uwei ra si mong, i ndii i nginei ndɔ le Nube. I rai titeke bè le kade Nube ree inge sei se ra si ke unju nyang-nyang, nal kade tà karé uwe dè si nonn’t. Ke nè á ra si unju nyang-nyang a, tà karé géa uwe dè si nonn’t lé a tɔ ɓaa, a i ndii se’n se kem̂lom kuwe.


Nube aw se tɔgmong le kan’n dè si kade osoi lé. Nube à ade a i ndai non ndubra’t le’n ke bò se ranel anje tà karé dè si’t.


An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.


I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.


Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.


M’a m’ra ndoo rai’t, tài tò njak kuwe, i ndogo se’m nar-ɔr ke dé leen poro d’ade yede’n tee ɓaa, a i baw nyankinge. I ndogo se’m kubuge ke nda i tule rai’t utu’n dè rasɔl mburi ke tò suturu. M’ra ndoo rai’t, tài tò njak kuwe, i ndogo se’m kuge i rii’n kumi ɓaa, a i tel kan loo njai-njai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ