1 Pierre 1:6 - Nouveau Testament en Gulay 2004

⁶ Nyantosowurge gai-gai nan-in sei ɗarinè mbɔr. Nè né è bè géa, i rai ranel ɔje dè kaje ke Nube uwe dè nja unde konn tede si nga.

1 Pierre 1:6 ပူးပေါင်းရင်းမြစ်များ

Matthieu 11:28

Sei malang ke nyankoto ɗuge sei ngong-ngong ade ɔri yàl-yàl nga, i reei ram’t ɓaa man m’ade sei loo taa kebe.

Matthieu 26:37

Jésu ade Pierre se ngann le Zébédéege ke joo awi se’n nan’t. Nyantosowur unn gir taa ra’n pel-pel ade kàde’n gete get-get.

Matthieu 5:12

I rai ranel a, ali ra si se kêmnda káng tede nyan kuge dè ji si è ngain dɔ danran. Njéribe-dè-tàge ke tà Nube’t ke kété non si’t nga géa, ndɔ ke dé ra kum de ndoo titeke dé ra’n kum si ndoo bè tɔ.

Tà ke Maje ke Luc ndang 1:47

Ngarakum ra’m ra ranel dè Kuwe-ɓee Nube ke njètaa’m tà yo’t a tɔ.

Tà ke Maje ke Luc ndang 10:20

Nè né è bè géa, i rai ranel tede ri si ke dé ndang kêm Konɓee ke danrán’t, m i rai ranel tede ndilge ke majelé ke ulei dè de adi sei nga lé.

Tà ke Maje ke Luc ndang 2:10

Nè doo ke danrán nè nga, ede de ede nè: – Ebi ra si ɓel, tede m’ree le kede sei Tà ke Maje. Tà ke maje nè nga è gir kalra le kosdooge malang ke Israel.

Jean 16:22

Sei géa, ɗarinè i ndii dann kumndoo’t titeke bè tɔ. Nè loo ke m’a m’tel ree le kan sei ɓaa, ɓengre si à ndi dann ranel’t. Ranel le si nga doo karé bè ke à uwe’n wont kɔr’n goto.

Jean 16:33

Man m’ede sei tàge nè nga titeke bè tede kade ingei kêmlom umi se’m nan’t bɔk. A ingei nyantosowur dè nang nè kuwe, nè oréi tà si njak tede man nga m’tête rɔ njé ke dè nang nè ɓá ta.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nje Ke Rome 12:12

I rai ranel dè nyan ke sei undei kêm si tchên dè’t nga. Oréi tà si njak dann nyantosowur’t ɔji tà se Nube se ndɔge malang m ebi’t lé.

Nje Ke Rome 5:11

Taɓai è ke nè á go karé lé, nè dè jéi in tchakm non Nube’t takul Kuwe-ɓee le jéi Jésu-Krist. Takul’n è á ɗarinè j’umi nan’t se Nube.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

Nje Ke Rome 9:2

Tà tur kêm’m ngain ade ɓengre’m ndir njàk-njàk se ndɔge malang.

2 Nje Ke Corinthe 4:17

Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

2 Nje Ke Corinthe 6:10

D’an jè ke dooge ke kum de ra ndoo, nè ra jé nel jè se ndɔge malang. D’an jè ke njéndooge, nè j’ade dooge ngain teli baw kundekêmge. Kerɔte kuwe, jè ke nyange taai ra jé pel-pel nga, d’an jè titeke dooge ke ndooi gɔg-gɔg.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Philippes 2:26

Ngur tel kaw kan sei malang ra’n pênn-pênn. Kem̂’n tò kekek tede ser ratur le’n ke ndɔ ke ooi.

Nje Ke Philippes 3:3

Kerɔte kuwe, è jèi á jèi njékuje tà mɔtege ke get tede jè ɗɔyi Nube se go Ndil’n. Jè ti ra jé se ri Jésu-Krist m j’unde kem̂ jé dè danra’t lé.

Nje Ke Philippes 4:4

I rai ranel se ndɔ si-ndɔ si tede k’ee ke sei le Kuwe-ɓee nga. M’tel m’ede sei, i rai ranel.

1 Nje Ke Thessalonique 1:6

Sei i ndaji nyanra jé jè se nyanra Kuwe-ɓee. Sei taai Tà ke Maje se ranel le Ndil-Kem̂nda dann nyantosowurge gai-gai ke ndɔ ke ra sei.

Jacques 1:2

Ngakonmge, ke nè á nja si tuge sei dè nyan nange’t gai-gai ɓaa, an-in ke nyan ranel ke deri.

Jacques 1:9

Maje kade njètaakem̂-Krist ke njèndoo ade dè’n in tchakm tede kunde ke Nube unde’n dɔ ɗeng.

Jacques 4:9

Habi! an-in kumndoo le si sei kuwe ɓaa, i turi hal si, i non-in tede nyanra sige’t adi gɔge kogo le si tel gɔge non a, adi ranel le si tel è kem̂kon a tɔ.

1 Pierre 3:17

E soo’t kade nyankem̂kon rai ɔje dè nyanrai ke maje. E ke nè á è nyan ke kem̂ Nube ndige dum kade nyankem̂kon rai ɔje dè nyanrai ke majelé.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.