1 Pierre 1:25 - Nouveau Testament en Gulay 2004

²⁵ Nè tà le Kuwe-ɓee tò sár se non.» Tà nè nga è Tà ke Maje ke d’ile mber’n d’ade sei ɓá.

1 Pierre 1:25 ပူးပေါင်းရင်းမြစ်များ

Matthieu 5:18

Kerɔte kuwe, man m’ede sei ndàt, nyange ke ndêin-ndêin ke dé ndang kêm magtub gute-ndu ke mari’t nga, karé bè géa à goto lé sár kade danran se dè nang à gotoi pa ɓita.

Tà ke Maje ke Luc ndang 16:17

Danran se nang nè à gotoi se nel’n karè pa ɓita tàge ke ndêin-ndêin bè ke dé ndang kêm magtub gute-ndu’t à udi ɓai.

Jean 1:1

Kété ɓita kade Nube unde nang nè nga, tà ndi tutu. Tà nè ndi nan’t se Nube kété mari. Tà nè nga kuwe è Nube a tɔ.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

1 Nje Ke Corinthe 2:2

Kété ke m’ee dann si’t nga, m’aw ndoo ger nyan karé ke rang ra si’t lé, nè Jésu-Krist ke dé ɓer’n kàde kage-ke-dese’t kuwe karé bere.

Nje Ke Ephese 2:17

Jésu-Krist ree ile mber Tà ke Maje ke ɔje dè kem̂lom ade sei ke kété i ndii heb se Nube a, ade njé ke kété ndii ngɔr se’n a tɔ.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Tite 1:3

Loo ke ndɔ le’n ke è kuwe ɔje nga ase deĵ ɓaa, è ribe dè tà le’n nga ke nata se go Tà ke Maje ke m’ile mber’n. E Nube ke njèkaje jèi kuwe á unn’n ndu’n ade’m kade m’ile’n mber Tà ke Maje nga.

Hebreuge 6:5

Dooge nè nga nan-in tà le Nube geri maje’n ɓá a, an-in nyankɔbege ke ɔje dè Konɓee le Nube ke ndi à ree nga ɓá a tɔ.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

1 Pierre 1:23

Sei nga dé tel d’oje sei kige. Koje ke d’oje sei kige nè nga in ra kà sige ke njékweige lé; dé tel d’oje sei gugu kige takul tà le Nube ke njèndi kumgajer sár se non.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

2 Pierre 1:19

Tà ke njéribe-dè-tàge ke tà Nube’t tami kété mari ɔji dè Krist nga, è tà kerɔte kuwe. Sei géa, maje kade i tɔsi kum si dè tà’t nè nga tɔ. Tà nè nga tò asenan se por lampe ke ndogó loo ke ndul’t bè. Por lampe nè nga ndogó sár ade mbonron unde’n loo tee’n a, ade loo ar’n dè ɓengre si’t a tɔ.

1 Jean 1:1

Jè ndang magtub j’ede’n sei tà ke ɔje dè ndikumgajer ke ndi tutu kété mari ke desêin. Tà ke ɔje dè ndikumgajer nè nga, ndɔ ke kété j’oo tà le’n a, j’an’n se kum jé a tɔ. Tà nè nga, ndɔ ke kété jè jè ter’n j’an’n mbiri-mbiri a, jè manm’n se ji jé j’an a tɔ.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.